Мэҥэ Хаҥаласкатааҕы үөрэх үлэһиттэрин успуорт ыспартакыйаадата
Мэҥэ Хаҥаласкатааҕы үөрэх үлэһиттэрин успуорт ыспартакыйаадата Алтынньы 29 күнүгэр Мэҥэ Хаҥаласка үөрэх үлэһиттэрин улуустааҕы 37-с ыспартакыйаадата буолла. Арассыыйаҕа Норуоттар сомоҕолоһууларын, улууска оскуола иннинээҕи үөрэхтээһин 100 сылларын чэрчитинэн ыытыллыбыт күрэхтэһиигэ 10 кустовой методическэй холбоһукка арахсан, улуус үөрэх тэрилтэлэриттэн 340 кыттааччы, успуорт 7 көрүҥэр күөн көрүстүлэр. Хас биирдии көрүҥҥэ миэстэлэспит биирдиилээн уонна хамаандалар бэлиэтэннилэр. Үөрэх управлениетын начаалынньыгын солбуйааччы Михаил Нестеров уонна идэлээх сойуус бэрэссэдээтэлэ Иннокентий Скрябин эҕэрдэлээтилэр. Кыайыыны үөрэх управлениетын КМО-та ситистэ. Иккис миэстэни Харатааҕы, үһүс миэстэни Наахаратааҕы методхолбоһуктар ыллылар. Тэрээһин үөрэх эйгэтин үлэһиттэрин доруобуйаларын бөҕөргөтүүгэ, успуорду көҕүлээһиҥҥэ уонна биир кэлим буолууга улахан суолталаах. Ону тэҥэ, улууспут успуордун сайдыытыгар төһүү күүс буолар. Сиһилии: НВК "Саха" каналын видеорепортаһыгар.