Хорообут оскуолатын үөрэнээччитэ Света Чугунова «Эдэр сүөһү көрөөччү маастара — 2026» к...
Хорообут оскуолатын үөрэнээччитэ Света Чугунова «Эдэр сүөһү көрөөччү маастара — 2026» куонкуруска бастаата 👏Бу күннэргэ Мэҥэ - Хаҥалас улууҺун Хорообут агро хайысхалаах оскуолата🐄🐂🐄 «Эдэр сүөһү көрөөччү маастара — 2026» диэн өрөспүүбүлүкэтээҕи кэтэхтэн видео-куонкуруска кыттыыны ылла. ☘️Күрэҕи ыытта: П.М. Васильев аатынан «Соловьевскай орто уопсай үөрэхтээһин оскуолата», Чурапчы улууһун үөрэҕириитин салалтата, Чурапчы улууһун Мырыла сэлиэнньэтин «Эргис» ТХПК уонна Чурапчы улууһун Тыа хаһаайыстыбатын салалтатын өйөбүлүнэн, Арктикатааҕы судаарыстыбаннай агротехнологическай университет уонна М.Г. Сафронов аатынан ЯНИИСХ. 🐄Куонкурус сүрүн сыалынан үүт хайысхалаах сүөһү иитиитигэр бастыҥ ньымалары тарҕатыы, үөрэнээччилэр идэлээх билиилэрин-сатабылларын үрдэтии буолар. Саха Өрөспүүбүлүкэтин араас улуустарыттан 12 оҕо кыттыыны ылла. Куонкурус икки түһүмэҕинэн ааста: теоретическай уонна практическай. Хорообут оскуолатыттан 11-с кылаас үөрэнээччитэ Света Чугунова кыттан, практическай чааска сүөһү көрүүгэ-харайыыга уонна ыаһыҥҥа бэйэтин сатабылын көрдөрдө уонна онлайн ыйытыыларга чопчу хоруйу биэрдэ. 🏆Түмүккэ, Света 1 миэстэни ылары ситистэ. Бырайыак ааптарыгар Мира Местниковаҕа, Мырыла оскуолатын үлэһиттэригэр, АСАУ уонна ЯНИИСХ специалистарыгар, оскуола кэлэктиибин аатыттан махталбытын биллэрэбит. Кэнчээри ыччаты төрүт үлэҕэ сыһыарыы, үлэ үөрүйэхтэрин сайыннарыы - билиҥҥи олох ирдэбилэ.