🎭Саха классик суруйааччыта Анемподист Софронов – Алампа 140 сылыгар аналлаах саҥа прем...
🎭Саха классик суруйааччыта Анемподист Софронов – Алампа 140 сылыгар аналлаах саҥа премьераҕа бэлэмнэнии үлэтэ салҕанар Саха театрыгар Анемподист Иванович Софронов – Алампа төрөөбүтэ 140 сылыгар аналлаах улахан испэктээкилгэ бэлэмнэнии үлэтэ күөстүү оргуйар. Бу үтүө үлэ чэрчитинэн, театр коллектива биллиилээх учуонайдыын, филологическай наука доктора, доцент, саха фольклорун уонна литературатын кафедратын сэбиэдиссэйин кытта Валентина Семеновалыын ураты ис хоһоонноох үөрэх-чинчийии көрсүһүүтүн ыытта. Валентина Григорьевна Алампа айар үлэтин, саха дырааматын уонна театрын дириҥник чинчийиинэн дьарыктанар. Көрсүһүү кэмигэр учуонай улуу суруйааччы олоҕун, айымньыларын, ол саҕанааҕы уустук кэм туһунан кэпсээтэ. Туруорааччы режиссер, артыыстар уонна театр үлэһиттэрэ ыалдьыты кытта санаа атастаһан, айымньыны сыанаҕа тыынныырга, уобарастары чаҕылхайдык уонна тиийимтиэ гына арыйарга туһалаах сүбэлэри-амалары иһиттилэр. Маннык научнай-методическай көмө уонна дириҥ ис хоһоонноох кэпсэтиилэр саҥа испэктээкил хаачыстыбата үрдүк буоларыгар улахан тирэх буолара саарбаҕа суох.