🌿🌿🌿Аммаҕа Муона чараҥар ыытыллыбыт «Тыа сирин оскуолата уонна үөрэхтээһин маарката: ... — 3 июля 2026 г. в 00:47:18.230
🌿🌿🌿Аммаҕа Муона чараҥар ыытыллыбыт «Тыа сирин оскуолата уонна үөрэхтээһин маарката: үөрэх кэскилин көрүү» педагогтар XXII өрөспүүбүлүкэтээҕи дьаарбаҥкаларыгар Орто-Эбэ анал (коррекционнай) интэринээт оскуолата 10 педагог кыттыыны ыллыбыт. Быйылгы дьаарбаҥкаҕа “Доруобуйаларынан хааччахтаах оҕолору уонна Анал коррекционнай үөрэхтээһин” туспа былааһаакката арыллан үлэлээтэ. Л.И. Курчатова аатынан «Равные старты: универсальная образовательная среда» диэн былаһааккаҕа 7 анал (коррекционнай) интэринээт, уопсай үөрэхтээһин оскуолалара, 4 уһуйаан уонна 1 орто үөрэх кыһата кыттыыны ыллылар. Экспиэртэр уопсайа 40-чэ бырайыагы көрдүлэр, сыаналаатылар, түмүктэри таһаардылар. Биһиги оскуола «Сүрэхпит сылааһын оҕолорго» диэн бырайыагынан кыттаммыт 3 миэстэни ылары ситистибит👏👏👏 Ону таһынан эбии үөрэхтээһин учуутала Терентьева Яна Ивановна «Мини-музей в чемодане: творческая лаборатория учителя XXI века» күрэххэ кыттан «Арт-педагогика (творческое самовыражение и социализация детей)» номинацияҕа кыайыылааҕынан буолла😊👍 “Айар” кинигэ кыһата ыыппыт күрэҕэр педагогтар кыттыыны ылбыттара. Амма сирэ-уота, дьоно-сэргэтэ олус истиҥник көрүстүлэр, Амма ыраас уутугар сөтүөлээн, биир идэлээхтэрбитин кытта билсэн- көрсөн, уопут атастаһан, саҥаны билэн, сынньанан кэллибит🙌