“ЭЙЭЛЭЭХ ОЛОҔУ, ЭТЭҤҤЭ БУОЛУУНУ!” — 30 декабря 2025 г. в 05:12:50.441
“ЭЙЭЛЭЭХ ОЛОҔУ, ЭТЭҤҤЭ БУОЛУУНУ!” ҮТҮӨ САНАА ТҮҺҮЛГЭТЭ. Аан дойдуну атыйахтыы аймаабыт Аҕа дойду Улуу сэриитэ сэбиэскэй саллааттар, кыһыл буойуттар Кыайыыларынан түмүктэммитэ 80 сыл буолла. Улуу Кыайыыны уруйдаан туран күн бүгүн Ийэ дойду эйэлээх олоҕун туһугар туруулаһа сылдьар хорсун уолаттарбытыгар анаан “Эйэлээх олоҕу, этэҥҥэ буолууну” диэн ааттаах үтүө санаа түһүлгэтин Сунтаардааҕы анал коррекционнай оскуола иллээх коллектива тэрийэн ыытта. Биир санаанан сомоҕолоһуу. Үтүө санаа түһүлгэтин биһигини кытта тэрийистилэр Сунтаар нэһилиэгин дьаһалтата (баһылык Филиппов Эдуард Егорович), Сунтаардааҕы үөрэх салалтата (начальник Васильев Борис Николаевич), Сунтаардааҕы Россия ийэлэрин түмсүүтэ (салайааччы Григорьева Дария Михайловна). Тэрээһинтэн киирбит көмө үппүтүн 45 тыһыынча солкуобайы Сунтаардааҕы Харысхал түмсүүгэ туттарыллыбыта. Лотерея – үөрүүнү таһынан өйөбүл! Көмө үппүтүн лотерея билиэтин атыылаан киллэрдибит. Манна күүс көмө буоллулар : · Сунтаардааҕы политехническай лицей (директор Сосин Олег Константинович), · Сунтаардааҕы гуманитарнай гимназия (директор Евсеева Любовь Егоровна), · Сунтаардааҕы №2 оскуола (директор Иванов Василий Русланович), · Сунтаардааҕы №3 оскуола (директор Николаев Андрей Николаевич), · Сунтаардааҕы санаторнай оскуола (директор Бекренева Мария Афанасьевна), · “Ньургуһун”, “Кыталык” детсадтар. Лотерея бириистэригэр оскуолабыт үлэһиттэрэ күүскэ хомуйдулар, ону сэргэ дьарыктаах урбаанньыттар эмиэ көмөлөстүлэр: · ИП Герасимова Нина Прокопьевна 15 тыһыынчалаах бириис, · ИП Руденко Мария Анатольевна, · ИП Максимова Наталья Аександровна “Наталья” маҕаһыын, · ИП Никитина Надежда Исидоровна “Маяк” маҕаһыын, · ИП Антонов Алексей Николаевич “Алина” маҕаһыын, · ИП Егоров Герман Семенович “Альфа” маҕаһыын, · ТОС “Абаҕа” олус үчүгэй бириис, · Сунтаардааҕы Россия ийэлэрин түмсүүтэ -16 бириис, · Сунтаар олохтоох дьаһалтата- 10 бириис. Барыта 80 бириис оонньонон тэрээһиҥҥэ кэлбит да, кэлбэтэх да дьон сүүйэн үөрүүлэрэ үксээтэ. Бу тэрээһиҥҥэ кэлбит дьон олус астынан махтал тылларын тиэртилэр. Быыстапка-дьаарбаҥка уонна сэргэх концерт. Оскуола үлэһиттэрин, үөрэнээччилэрин оҥоһуктарынан баай талым быыстапка дьаарбаҥка ыытылынна, сэргэх концерт туруорулунна. Тэрээһиҥҥэ кэлбит дьон олус астынан махтал тылларын тиэртилэр. “Биһиги бииргэбит, ол иһин кыахтаахпыт”, - диэн санаанан салайтаран оскуолабыт бука бары үлэһиттэрэ, үөрэнээччилэрэ, төрөппүттэрэ үтүө санаа түһүлгэтигэр көхтөөх кыттыыны ылан эйэлээх олох туһугар, эдэркээн уолаттарбыт этэҥҥэ эргиллэн кэлэллэригэр алгыс тылбытын анаатыбыт, кылааппытын киллэрдибит. Бу курдук, ис дууһаларыттан кыһаллан көмөлөһөр дьоммут кыайыыга хардыы оҥороллоруттан үөрэбит уонна ис сүрэхпититтэн махтанабыт.