📣 Үгэскэ кубулуйбут быйыл саас III Өрөспүүбүлүкэтээҕи дистанционнай онлайн‑күрэхтэһии ... — 7 мая 2026 г. в 05:51:20.355
📣 Үгэскэ кубулуйбут быйыл саас III Өрөспүүбүлүкэтээҕи дистанционнай онлайн‑күрэхтэһии доруобуйаларыгар хааччахтаах уонна ураты үѳрэхтээһиҥҥэ наадыйар оҕолорго Сунтаардааҕы анал (коррекционнай) оскуола‑интэринээт «Классный класс – рабочий класс!» онлайн‑күрэх түмүгүн таһаарда. 🌐🏫 🔍 Күрэх маннык сыаллаах‑соруктаах ыытыллар: - 💭 идэни бэйэҕэ сѳп түбэһиннэрэн, ис кыаҕынан толкуйдаан талары кѳҕүлээһин; - 👩🏫 үѳрэнээччилэр инники идэлэрин баһылыылларыгар тус хаачыстыбалара, дьоҕурдара, интэриэстэрэ тѳһѳ сѳп түбэһэрин быһаарарга сѳптѳѳх усулуобуйаны тэрийии; - 🏠 улаатан эрэр ыччакка аныгы үлэ ирдэбиллэрин туһунан ѳйдѳбүлү сырдатыы, онно тоҕоостоох ѳйү‑санааны иҥэрии. 📊 Өрөспүүбүлүкэ 14 улууһуттан уонна Дьокуускай куораттан уопсайа 23 оскуолаттан барыта холбоон 175 оҕо кытынна. 🎥 Күрэххэ кыттааччылар аан бастаан бэйэлэрин туһунан видеопрезентацияннан билиһиннэрдилэр. Практическай үлэлэрин технологическай каартанан сирдэтэн оҥордулар уонна видеоҕа устан ыыттылар. 📹🛠️ 🏅 Күрэх уопсайа 8 компетенцияннан барда. I–IV кылаастарга: - 🧵 «Лоскуток», 🛠️ «Мастерок», 🍳 «Поваренок», ✂️ «Оригами» компетенцияларга — 109 оҕо кыттыыны ылла. V–VIII кылаастарга: - 🪡 «Швейный мастер», 🪵 «Столярный мастер», 💇♀️ «Мастер по прическам», 🍰 «Мастер кондитер» компетенцияларга — 66 кыттааччы баара. 🏆 Хас биирдии хайысхаҕа 3 киһилээх дьүүллүүр сүбэ үлэлэри кѳрдѳ‑иһиттэ. Биһиги оскуолаттан 23 үѳрэнээччи ситиһиилээхтик кытынна. 🎖️ Күрэх түмүгунэн кыайыылаахтар грамоталарынан наҕараадаланнылар. 💡 Бу күрэххэ доруобуйаларыгар хааччахтаах оҕо инники олоҕор бэйэтин туруулаһыылаах, үлэһит дьон буола улааталларыгар улахан тирэх буолар. 🌟 Күрэххэ кыттыы — ити бэйэтэ улахан ситиһии! Күндү кыттааччылар, салайааччылара уонна төрөппүттэр эһиэхэ ситиһии уонна табыллыы олоххут тухары эрэллээх аргыс буоллуннар! 👏🎉 📣 Кэлэр сылга диэри, күндү күрэхпит кыттыылаахтара!!! ✨