Олунньу 10 күнэ. — 11 февраля 2026 г. в 08:51:21.931
Олунньу 10 күнэ. Бүгүн, Сунтаардаа5ы анал коррекционнай оскуола спортивнай саалатыгар, доруобуйаларыгар хааччахтаах оҕолорго анаммыт улуустааҕы «Күүстээхтэр, Түргэннэр, Сымсалар» спартакиада буолан ааста. Спартакиадаҕа уопсайа 7 оскуолаттан 61 оҕо күүстэрин тургуттулар. Манна Сунтаардааҕы 2-с уонна 3-с нүөмэрдээх оскуолалар, Устье, Элгээйи орто оскуолата, Сунтаардааҕы алын сүһүөх орто оскуолата, Сунтаардааҕы санаторнай оскуола, уонна, биллэн турар, Сунтаардааҕы анал коррекционнай оскуола-интернат үөрэнээччилэрэ күрэхтэстилэр. Күрэх 6 көрүҥҥэ ыытылынна, ол курдук: дартска, гиревой спортка (45кг, 55кг, 55кг үөһээ), пауэрлифтиҥҥэ (становой тяга 48кг, 60кг, жим лежа 48кг, 60кг), настольнай теннискэ, уһуҥҥа ыстаныыга уонна чэпчэки атлетикаҕа (30м сүүрүү) күѳн кѳрүстүлэр. Кыайыылаахтар уонна призердар: «Дартс» көрүҥҥэ: • Уолаттарга: 3 миэстэни Софронов Руслан (ССКОШ-И), 2 миэстэни Иванов Ярослав (ССКОШ-И), уонна 1 миэстэни Алексеев Айаал (ССОШ2) • Кыргыттарга: 3 миэстэ Зедгенидзева Тускулаана (ССОШ2), 2 миэстэ Зедгенидзева Карина (ССОШ2), 1 миэстэ Ершова Марина (УСОШ) буоллулар. «Гиревой спорт» көрүҥҥэ : • 45 киилэҕэ: 3 миэстэ Лазеев Ярик (ССКОШ-И), 2 миэстэ Иванов Сайаан (УСОШ), 1 миэстэни Ымычанов Тулусхан (ССКОШ-И) ыллылар. • 55 киилэҕэ: 3 миэстэ Иванов Сергей (УСОШ), 2 миэстэ Исаев Павел (ССКОШ-И), Иванов Сарыал (ССКОШ-И) 1 миэстэлээх буолла. • 56 киилэттэн үрдүк ыйааһыҥҥа: 3 миэстэ Оленов Эрчимэн (ССКОШ-И), 2 миэстэ Петров Тимур (УСОШ), 1миэстэҕэ Васильев Дьулус (ССОШ3) таҕыста. Пауэрлифтинг «Становой тяга: • 48 киилэҕэ: 3 миэстэ Иванов Сергей (УСОШ), 2 миэстэ Прокопьев Сарыал (ССКОШ-И). Ымычанов Тулусхан (ССКОШ-И) 1 миэстэни ылан, бэйэтин ураты күүһүн көрдөрдө! • 60 киилэҕэ: 3 миэстэ Сюльский Нюргустан (ЭСОШ), 2 миэстэ Яковлев Анатолий (ССОШ3). 1 миэстэ Иванов Сарыал (ССКОШ-И). «Жим лежа» көрүҥҥэ: • 3 миэстэ Янков Вадим (ССКОШ-И), 2 миэстэ Сюльский Нюргустан (ЭСОШ). 1 миэстэни Яковлев Анатолий (ССОШ 3) ылан, бэйэтин кыаҕын дакаастаата. «Настольный теннис»: • 3 миэстэ Оленов Эрчимэн (ССКОШ-И), 2 миэстэ Ершова Марина (УСОШ). Бастыҥынан Иванов Сайаан (УСОШ) таҕыста. Уһуну ыстаныыга: • Кыргыттарга: 3 миэстэ Осипова Света (ССШ-И), 2 миэстэ Аммосова Дайаана (СНОШ). Саамай уһуну Филиппова Далаана (ССШ-И) ыстанан 1 миэстэни ылла. • Уолаттарга: 3 миэстэ Кузьмин Ян (ССКОШ-И), 2 миэстэ Николаев Артем (УСОШ). 1 миэстэ Четвертаков Ким (ССШ-И) буолла. 30 миэтэрэни сүүрүүгэ: • Кыргыттарга: 3 миэстэ Иванова Уйгулаана (ЭСОШ), 2 миэстэ Филиппова Далаана (ССШ-И). Осипова Света (ССШ-И) 1 миэстэни ылла. • Уолаттарга: 3 миэстэ Егоров Костя (ССКОШ-И), 2 миэстэ Четвертаков Ким (ССШ-И). Кузьмин Ян (ССКОШ-И) 1 миэстэлээх буолла. Күрэхтэһиигэ кэлэн кыттыыны ылбыт оҕолорго уонна кинилэри эрчийбит, бэлэмнээбит учууталларга, тренердарга барҕа махталбытын тириэрдэбит! Спортка дьулуургут, хорсун санааҕыт олоххут үтүө аргыһа буоллун!