🌹📔 “Күннээх чөмчүүк саас” оҕолорго аналлаах хоһоон хомуурунньуга сүрэхтэннэ — 24 июля 2026 г. в 04:25:36.175
🌹📔 “Күннээх чөмчүүк саас” оҕолорго аналлаах хоһоон хомуурунньуга сүрэхтэннэ 🏫 От ыйын 23 күнүгэр М.И.Брызгалова аатынан Майатааҕы оҕо бибилэтиэкэтигэр Догдоҥо нэһилиэгин олохтоох ааптара, “Догдоҥо дорҕоонноро” айар түмсүү салайааччыта, улуустааҕы “Таммахтар” литературнай холбоһук чилиэнэ, “Эркээйи” хаһыат уопсастыбаннай кэрэспэдьиэнэ, Арассыыйа эмчиттэрин конфедерациятын чилиэнэ, илбииһит, алгысчыт, “Туллукчаан” уһуйаан үлэһитэ Светлана Иванова ‒ Намыына “Күннээх чөмчүүк саас” оҕолорго аналлаах хоһооннорун хомуурунньуга сүрэхтэннэ. Светлана Дмитрьевна ааптар быһыытынан бэһис кинигэтин Мэҥэ Хаҥалас улууһугар Оскуола иннинээҕи үөрэхтээһин 100 сылыгар анаата. 📖 Өҥнөөх, уоллаах кыыс ойуулаах, халыҥ тастаах кинигэни бэчээккэ Ходоро нэһилиэгин бибилэтиэкэрэ, улуустааҕы “Таммахтар” литературнай холбоһук чилиэнэ Мария Левина бэлэмнээбит, техническэй эрэдээктэринэн “Эркээйи” хаһыат шеф-эрэдээктэрэ Марфа Птицына үлэлээбит, аан тылын СӨ Суруйааччыларын сойууһун чилиэнэ, педагогическай үлэ бэтэрээнэ, элбэх кинигэ ааптара Инна Николаева суруйбут уонна улуустааҕы “Таммахтар” литературнай холбоһук салайааччыта, саха тылын, литэрэтиирэтин учуутала идэлээх, Майа сэлиэнньэтин баһылыгын социальнай боппуруостарга солбуйааччыта Наталия Пахомова тус санаатын эппит, кылгастык хоһооннору ырыппыт. 🎉 Хоһоон түһүлгэтин дьоро күнүгэр “Намыына иэйиитин кустуга” кинигэлэрин, хаартыскаларын быыстапката туруорулунна. Араас өҥнөөх саардарынан киэркэйбит саалаҕа киирбит ыҥырыылаах ыалдьыттар Светлана Дмитрьевна хаартысканан үлүһүйэрин билэр буоланнар, хартыыналарын кэрэхсээн көрдүлэр. Улахан экраҥҥа саҥа кинигэ, тэрээһиннэртэн хаартыскалар, ааптар наҕараадалара көстө турдулар. ➡️➡️➡️ Сиһилии: https://xn--h1abcx8dca.xn--p1ai/k%d2%afnneeh-ch%d3%a9mch%d2%af%d2%afk-saas-o%d2%95olorgo-anallaah-ho%d2%bboon-homuurunnuga-s%d2%afrehtenne/ @gazetaerkeii @ulusmedia