🔰Аан дойдутааҕы ыччат күнүгэр — «Гарри Поттер» айымньытынан викторина 🪄✨ — 12 августа 2026 г. в 01:57:16.171
🔰Аан дойдутааҕы ыччат күнүгэр — «Гарри Поттер» айымньытынан викторина 🪄✨ 🧙🏻Аан дойдутааҕы ыччат күнүн көрсө, И.М. Сосин аатынан киин библиотека үлэһиттэрэ «Комсомольскай» болуоссакка — сэргэх викторина тэрийэн ыыттылар. Ыйытыылар аан дойдуга биллэр суруйааччы Джоан Роулинг «Гарри Поттер» диэн аатырбыт айымньытыгар ананнылар. Сүрдээх элбэх киһи сүрэҕэр киирбит, хас да көлүөнэ дьону ситимниир кинигэ туһунан ыйытыыларга ыччаттарбыт бэрт сэргэхтик уонна көхтөөхтүк хоруйдаатылар. Кыттааччылар бэйэлэрин тапталлаах геройдарын, аптаах тылларын тута өйдөөн, билиилэрин үрдүк таһымнаахтык көрдөрдүлэр. ⚡️Хас биирдии кыттааччыга библиотекаттан анал фирменнай закладкалары өйдөбүнньүк гынан бэлэх ууннубут. 🎁 Бу ураты бэлэхтэр эдэр ааҕааччыларбыт саҥа кинигэлэри арыйалларыгар туһалаах доҕор буолуохтара диэн эрэнэбит. 😃Ыччаттар бэрт сэргэхтик эппиэттээн, санаалара көтөҕүллэн астыннылар. Тэрээһин хаартыскаларынан тэттик видеотын биһигинниин тэҥҥэ көрүҥ уонна дуоһуйуҥ! 📸👇 📚«Ааҕыҥ, сайдыҥ, үүнүҥ!» — диэн алгыспытын тиэрдэбит! Библиотекабыт ааннара эһиэхэ куруук аһаҕастар! P.S: «Хогвартс» диэн тугун билэр буоллаххына ❤️ хаалларан аас 😉