Сайыҥҥы сынньалаҥ уонна оҕо сайдыыта — умнуллубат кэм! ☀️ Оҕолор күнү-күннээҕи түбүктэн... — 2 июля 2026 г. в 04:40:22.487
Сайыҥҥы сынньалаҥ уонна оҕо сайдыыта — умнуллубат кэм! ☀️ Оҕолор күнү-күннээҕи түбүктэн, үөрэхтэн аралдьыйан, саҥа доҕоттору булан, араас дьарыкка кыттан саамай үтүө түгэннэри лааҕырга атаараллар. Бүгүн "Сайдыы" лааҕырбыт 1 сменатын сабыллыыта буолла. Смена устата барыта 45 оҕо сырытта. Иитээччилэринэн Анна Васильевна Степанова, Уйгууна Ньургун кыыһа Дадам, начальнигынан Светлана Дмитриевна Соловьева, повардарынан Нюрбина Михайловна Захарова, Татьяна Дмитриевна Эверстова, мед үлэһитинэн Анна Иннокентьевна Ноговицына таһаарыылаахтык үлэлээтилэр. Оскуолабыт выпускницалара Захарова Света, Парникова Кристина баһаатай быһыытынан практика аастылар. Оҕолор олус астынан бу икки нэдиэлэни биллибэттик атаардылар. Лааҕырга оҕуруот үлэтигэр сыстан үлэлээтилэр, тэрээһиннэргэ кытыннылар. Минньигэс астаах повардарбыт күннэтэ битэмииннээх аһынан аһаттылар. Лааҕырга сылдьан оҕо уопсастыбаҕа сатаан алтыһарга, санаатын аһаҕастык этэргэ үөрэнэр. Араас дьарыктар уонна спортивнай оонньуулар оҕо талаанын арыйарга көмөлөһөллөр. Аһаҕас халлаан анныгар активнай сынньалаҥ — доруобуйаҕа туһата улахан. Маны барытын "Сайдыы" лааҕырга оҕолор толору ыллылар, лааҕырбыт сыл аайы сайдан-үүнэн истин диэн баҕарабыт🌿🌿🌿🌸🌸🌸