Дьокуускай куоракка Комсомольскай болуоссакка сылын аайы ыытыллар «Ас-үөл-2026» өрөспүү...
Дьокуускай куоракка Комсомольскай болуоссакка сылын аайы ыытыллар «Ас-үөл-2026» өрөспүүбүлүкэтээҕи агропромышленнай быыстапка-дьаарбанка балаҕан ыйын 25- 27 күннэригэр буолан ааста. Бу тэрээһин 28 төгүлүн ыытыллан, бүтүн өрөспүүбүлүкэ фермердэрин, тыа хаһаайыстыбатын бородууксуйатын оҥорон таһаарар уонна атыылыыр урбаанньыттарын, агро хайысхалаах оскуолаларын бииргэ түмтэ, уопсайа 115 кыттааччы. Манна атыы -тутуу эрэ буолбакка, опыт атастаһыыта, билии бэрсиһиитэ буолан ааста. Дьаарбанка сурун сыала: Өрөспүүбүлүкэбитигэр агропромышленнай эйгэ сайдыытын тула кэпсэтии, санаа атастаһыыта, саҥа соруктары туруоруу, кыһалҕалары ырытыы. Дьоҥҥо -сэргэҕэ саҥа, сибиэһэй, үчүгэй хаачыстыбалаах олохтоох бородууксуйаны тарҕатыы, ону тэҥэ, олохтоох оҥорон таһаарааччылар өҥөлөрүн өйөөһүн, киэн эйгэҕэ таһаарыы буолар. Манна эти, балыгы, үүттэн оноһугу, оҕуруот уонна сир аһын, ону тэҥэ маҥнайгы умнаһы, килиэби уонна да атын бородууксуйалары көрдөрдүлэр, атыылаатылар. Дьаарбанка түмүгүн Саха Өрөспүүбүлүкэтин судаарыстыбаннаһын күнүгэр, балаҕан ыйын 27-гэр таһаардылар, кыайыылаахтары ааттаталаатылар. Ол курдук, саамай үрдүк наҕарааданы — Гран-при уонна «Саха Өрөспүүбүлүкэтин агропромышленнай комплексын бастыҥ аһылык оҥорон таһаарар тэрилтэтэ» диэн көһө сылдьар былааҕы Мэҥэ-Хаҥалас Хоробутуттан сылдьар СХПК «Алаас-Ас» (бэрэссэдээтэл Светоний Шестаков) ылла. Улуустарынан уонна куораттарынан уопсай мэтээл ахсаанынан маннык буоллулар: 1-кы миэстэ: Дьокуускай куорат (16 мэтээл) 2-с миэстэ: Чурапчы улууһа (10 диплом). 3-с миэстэ: Мэҥэ-Хаҥалас улууһа (9 наҕараада). «Ас-үөл-2026» быыстапка- дьаарбанка чэрчитинэн Саха сирин агро хайысхалаах оскуолаларын ортотугар ыытыллыбыт күрэххэ, өрөспүүбүлүкэ араас улуустарыттан уонна Дьокуускай куораттан 16 агрооскуола бэйэтин бородууксуйатын уонна ситиһиилэрин көрдөрдө. Манна «Бастын оскуола фермата» анал аат иһин күрэскэ Степан Тихонович Захаров аатын сүгэр Төлөй орто оскуолата (дириэктэр Деллохов Андрей Васильевич, Агро хайысха салайааччыта Сивцев Егор Самсонович, методист Дьячковская Зоя Дмитриевна ) бүтүн коллектив көмөтүнэн сүүстэн тахса бородууксуйаны оҥорон, ас маанытын амсатар саха сандалытын ыстылар. Ол курдук, сибиэһэй ынах этэ, үрүҥ уонна бөхүлүөпкэлэммит ынах иһэ, бройлер куурусса этэ, ону таһынан, эттэн оҥоһуллубут 10 көрүҥ полуфабрикат, эттэн оҥоһуллубут 37 бүлүүдэ көрүҥэ, 30 тахса бурдук аһын арааһа. Оскуола теплицатыгар үүннэриллибит оҕуруот аһыттан кэнсиэрбэлэри уонна 20 көрүҥ араас барыанньалары киллэрбиттэрэ атыыга хамаҕатык барда. Оскуола чиэһин Ксенофонтова Чэмэлиинэ Михайловна уонна Сивцева Мария Анатольевна салайааччылардаах Абрамов Марк 7 кылаас, Хоютанов Айдыын 8 кылаас үөрэнээччилэрэ - «Питомник саженцев» - агропроектарынан ситиһиилээхтик көмүскээтилэр. Ол тумугэр «Бастыҥ оскуола фермата» (Лучшая школьная ферма) күрэх кыайыылааҕынан тахсан I степеннээх дипломунан наҕыраадаланнылар. Оскуола коллективын, үөрэнээччилэрин бу улахан ситиһиинэн ис сүрэхтэн эҕэрдэлиибит! Бу үрдүк ситиһии —эһиги сыаллаах-соруктаах, сыралаах үлэлэҕит туоһута буолар, инникитин да саҥа кыайыылары уонна чэчирии сайдыыны баҕарабыт!
Канал в каталоге Максиметера
1 131 подписчиков · Госорганы и учреждения