🔥 «ИИТЭР КЫҺАМ ЫҺАР КЫЫМА КЫТЫАҺЫННЫН ҮЙЭЛЭРГЭ!»
🔥 «ИИТЭР КЫҺАМ ЫҺАР КЫЫМА КЫТЫАҺЫННЫН ҮЙЭЛЭРГЭ!» Улуу киһибит Афанасий Петрович Илларионов төрөөбүтэ 84 сыла! Бүгүн, алтынньы 19 күнүгэр, биһиги киэҥ туттар, ытыктыыр киһибит — судаарыстыбаннай диэйэтэл, бастакы ыҥырыылаах Ил Түмэн Бэрэстэбиитэллэрин Палаататын Бэрэссэдээтэлэ, Саха Өрөспүүбүлүкэтин үтүөлээх юриһа, талааннаах поэт, тылбаасчыт, биир дойдулаахпыт Афанасий Петрович Илларионов төрөөбүтэ 84 сылыгар аналлаах торжественнай линейка буолан ааста. Бу бэлиэ күҥҥэ «Уолан ааҕыылара» хоһоонньуттар бөлөҕүн иитиллээччилэрэ Афанасий Петрович Илларионов олоҕуттан, айбыт айымньыларыттан, хоһоонноруттан кэрэхсэбиллээх дьүһүйүүнү ааҕан, тэрээһини өссө киэргэттилэр. Ытыктабыллаах история уонна обществознание учуутала Саввина Лидия Петровна эҕэрдэ уонна ахтыы тылларын эттэ. Кини Афанасий Петрович сырдык олоҕун холобуругар оҕолору үтүөҕэ-кэрэҕэ, дьоһуннаах үлэҕэ ыҥырда, кини үлэтин уонна дьон олоҕор киллэрбит кылаатын туһунан кэпсээтэ. Ону тэҥэ, үөрэнээччилэргэ Афанасий Петрович олорон ааспыт олоҕун, үлэтин уонна айымньыларын туһунан сырдатар кылаас чаастара буолан аастылар. Улуу киһибит Афанасий Петрович Илларионов албан аата үйэлэргэ ааттана турдун! Кини сырдык мөссүөнэ, өр кэмнээх үлэтэ, төрөөбүт дойдутугар бэриниитэ кэнэҕэски ыччакка холобур буолуохтун!🌿