Бүгүн, алтынньы 21 күнүгэр, Арыылаах орто оскуолатыгар Россиятааҕы Аҕа күнүн чэрчитинэн...
Бүгүн, алтынньы 21 күнүгэр, Арыылаах орто оскуолатыгар Россиятааҕы Аҕа күнүн чэрчитинэн ыытыллыбыт "Эр бэрдэ уол бэрдэ" күрэхтэһии олус үчүгэйдик уонна сэргэхтик ааста. Аҕалар уонна уолаттар түмсүүлээх, күүстээх киирсиилэрин толору көрдөрдүлэр."Бэдэр" уонна "Мохсоҕол" хамаандалар тоҕус көрүҥҥэ тыҥааһыннаахтык күрэхтэһэн, бэйэлэрин дьоҕурдарын уонна күүстэрин тургуттулар. Күрэх түмүгүнэн, бэт кыранан чорбойон, "Мохсоҕол" хамаанда кыайыылааҕынан таҕыста. Бары кыттааччылар минньигэс бириистэринэн наҕараадаланнылар. Бу күрэхтэһии аҕа уонна уол ыкса ситимнэрин өссө бөҕөргөттө, күүс-уох биэрдэ. Ыалдьааччылар күргүөмүнэн кэлэн, хамаандаларыгар ыалдьан, тэрээһини өссө сэргэхситтилэр. Бу умнуллубат күрэхтэһии бары кыттааччыларга уонна ыалдьааччыларга дьоһун түгэннэри бэлэхтээтэ.