Суотту орто оскуолатын иһинэн "Кэскил" үлэ, сынньалаҥ лааҕыра бэс ыйын 5 күнүттэн 43 о... — 15 июня 2026 г. в 05:13:58.954
Суотту орто оскуолатын иһинэн "Кэскил" үлэ, сынньалаҥ лааҕыра бэс ыйын 5 күнүттэн 43 оҕону хабан үлэлиир. Лааҕыр хайысхата үлэ буоларын быьыытынан оҕолор күн бастакы аҥарыгар оҕуруокка , сибэккигэ уу куталлар. Ону таһынан УПХ баар "Живой уголок" кыылларын аһаталлар,көрөллөр-истэллэр. Эбиэт кэннэ лааҕыр иитэр-үөрэтэр хайысхатынан араас тэрээһиннэргэ кытталлар. Ол курдук бэс ыйын 6 күнүгэр А. С. Пушкин төрөөбүт күнүгэр олохтоох библиотека тэрийэн ыыппыт "Мэҥэ тылынан мэҥэ таас туруордум" литературнай тэрээһиҥҥэ кытынныбыт. Лааҕыр үөрүүлээх аһыллыытыгар оҕолор 4 отрядка арахсан, остуоруйаларга олоҕуран инсценировка көрдөрбүттэрин тэрээьин ыалдьыттара биһирээтилэр. Бэс ыйын 12 күнүгэр, Россия күнүн көрсө оҕолор, үлэһиттэр Россия гимнын күргүөмүнэн ыллаатыбыт. Бэс ыйын 13 күнүгэр Мүрү иккис нүөмэрдээх орто оскуолатын иһинэн үлэлиир "Ай-тут" лааҕыр иитиллээччилэрин кытта доҕордоһуу көрсүһүүгэ баран кэллибит. Лааҕыр үлэтэ салҕанар, үлэ күөстүү оргуйар, былааннаах тэрээһиннэрбит билигин да элбэхтэр. ✍️Федосия Сыроватская, Суотту орто оскуолата