МКУ "Усть-Алданский историко-краеведческий музей им.Сэсэн Ардьакыап"
Образование · 5 июня 2026 г.
Саха Өрөспүүбүлүкэтигэр Культура, «Чолбон» сурунаал төрүттэммитэ 100 сылларыгар аналлаах — 5 июня 2026 г. в 06:23:22.017
Саха Өрөспүүбүлүкэтигэр Культура, «Чолбон» сурунаал төрүттэммитэ 100 сылларыгар аналлаах «ЧОЛБОН ӨЙ КҮРЭҺЭ» балаһыанньата 1. СҮРҮН ТОРУМА 1.1. «Чолбон өй күрэһэ» (мантан аллараа күрэс) «Сахабэчээт» СӨ САТ «Чолбон» сурунаал эрэдээксийэтэ партнердарын кытары тэрийэр; 1.2. Күрэс дьон-сэргэ уус-уран литератураҕа уонна Саха сирин историятын билиитигэр-көрүүтүгэр сигэнэр. 2. КҮРЭС СЫАЛА-СОРУГА 2.1. Үлэһит дьон болҕомтотун саха уус-уран литературатыгар, историятыгар тардыы; 2.2. Сахалыы уус-уран литератураны ааҕыыны көҕүлээһин; 2.3. Сахалыы ааҕар, литератураны таптыыр дьону булан түмүү, иитии уонна өйөөһүн. 3. КҮРЭС КЫТТЫЫЛААХТАРА 3.1. Үс (3) киһилээх хамаанда туруохтаах. (Тэрилтэттэн хас да хамаанда туруон сөп) 3.2. Хамаанда кыттыытын иһин 528 солкуобай (улуус редакциятыттан кэлэн ылыыга сыл аҥардааҕы сурутуу сыаната) төлүүр; 3.3. Күрэс түмүгэр элбэх очкону хомуйбут хамаанда кыайар; 3.4. Күрэс түөрт түһүмэхтэн турар («А.И.Софронов-Алампа олоҕо, айар үлэтэ», ««Чолбон» сурунаал уонна саха литературата», «Саха театра», «Билиҥҥи кэм литературата») 4. НАҔАРААДАЛААҺЫН 4.1. Күрэс түмүгүнэн очколарынан 1-гы, 2-с уонна 3-с миэстэлээх хамаандалар быһаарыллаллар, сыаналаах бириистэр туттарыллаллар.