МКУ "Усть-Алданский историко-краеведческий музей им.Сэсэн Ардьакыап"
Образование · 5 июня 2026 г.
🏛️Культура сылынан "Музейга үлэлээбит дьоммут туһунан кэпсиибит..." рубрика — 5 июня 2026 г. в 04:02:27.551
🏛️Культура сылынан "Музейга үлэлээбит дьоммут туһунан кэпсиибит..." рубрика ⚜️Ховров Александр Михайлович 1995-2007 сылларга Танда музейыгар директорынан үлэлээбитэ. Эдэр салайааччы хара маҥнайгыттан музей үлэтэ сайдыытыгар саҥа соруктары туруорбута. Олох хаамыытын батыһа аныгы технологияны баһылааһыҥҥа болҕомтотун уурбута. Компьютернай технология сайдыытыгар Васильев И. Ф., Иванов М. И., Поисеев А. С., Турантаев Е. И.ылсан үлэлээбиттэрэ. ⚜️Ити сылларга музей үлэһиттэрин штата эбиллибитэ. Коллектив кэҥээн, үлэ - хамнас тэтимирбитэ. Музей объектарын: чочуобуна кырыыһатын уонна колокуонньа акылаатын өрөмүөннээбиттэрэ. Бастакы Байаҕантай 19 үйэтинээҕи кинээһэ Заболоцкай Николай Билиргэ олорбут балаҕанын сөргүтэн оҥоруу, уһаайбатын күрүөлээһин боппуруоһа турбута. Балаҕан тутуутун ураты ньыматын, кистэлэҥин сыныйан үөрэтэ биллиилээх кыраайы үөрэтээччи Андросов Егор Дмитриевич уонна Борис Фёдорович Неустроев - Мандар Уус кэлэ сылдьыбыттара. Элбэх сүбэни - аманы биэрбиттэрэ. ⚜️Танда музейыгар араас ис хоһоонноох тэрээһиннэр быыстала суох буолаллара. Дьон - сэргэ музей ыытар үлэтин үрдүктүк сыаналыыллара. 2000 сылларга музей иһинэн видеостудия, видеосалон үлэтэ саҕаламмыта. Кэмиттэн кэмигэр киэҥ ис хоһоонноох биэриилэри оҥорон, олохтоохтор биһирэбиллэрин ылбыттара. ⚜️2000 сыллаахха Байаҕантай нэһилиэгин аҕа ууһун историятын үөрэтиигэ анаан, "Роль генеалогии в выборе здорового образа жизни" диэн бырайыагы суруйан, көмүскээн СР Президенын Гранын ылбыттара. Ховров Александр Михайлович нэһилиэк олоҕор көхтөөхтүк кыттара. Ол курдук Байаҕантай нэһилиэгин аҕаларын түмсүүтүн сатабыллаахтык салайан үлэлэппитэ. Ити сылларга Танда музейын үлэтэ тэтимирбитэ, аата - суола республикаҕа биллибитэ.