💐ТҮМҮК ЧУОРААН 🔔💐ПОСЛЕДНИЙ ЗВОНОК🔔
💐ТҮМҮК ЧУОРААН 🔔💐ПОСЛЕДНИЙ ЗВОНОК🔔 Быйылгы выпускниктарбыт, 11-с кылаастарбыт, "Түмүк чуорааннара" оскуола олоҕун түмүктүүр тэрээһиннэрэ буолла. Бу күн саамай долгутуулаах, үөрүүлээх, ол эрэн кыра курус санаалаах ааста. Хас да сыл устата оскуола чуораана уруокка ынырбыта түмүктэнэн, аны билигин чугдаарар көмүс тыһа үтүө өйдөбүл буолан, улахан олоххо ыҥырар кынат санаа буоллаҕа. Бу үөрүүлээх күммүтүн үллэстэ СӨ инновацияҕа, цифровой сайдыыга уонна инфокоммуникационнай технологияҕа миниистирэ Николаев П.В., Саха сирин үөрэххэ уонна наукаҕа министиэристибэтиттэн Осипов Е.Ф., СӨ "Бастыҥнар хамсааһыннара" регионнааҕы салаатын координатора Петров И.И. кэлэн ыалдьыттаан, кэнчээри ыччаттарбытыгар баҕа санаа бастыҥын этэн бардылар. Кылаас салайааччыларыгар Васильева Н.А, Васильева М.С. уонна Куличкина Е.С. ситиһиилээхтик, үрдүк таһаарыылаахтык кылаастарын кынат үүннэрэн түмүктүүр биэтэккэ кэлбиттэринэн итиитик-истиҥник эҕэрдэлиибит! Оскуолатааҕы сыллар - киһи үйэтин-сааһын тухары умнубат, сырдык өйдөбүлү саҕар кэрэ кэм. Киһи буолуу, саха буолуу барыта манна төрүттэнэр, төрөөбүт дойдуга, Ийэ айылҕаҕа, бар дьоҥҥо таптал манна саҕыллар, дьоһун дьон буолан кэрэ олоҕу олорор баҕа санаа манна иитиллэр. Билигин оскуоланы бүтэрээччи оҕолорбутун биир кэлим эксээмэннэр күүтэллэр. Күндү гимназияны бүтэрэр выпускниктарбыт! Эксээмэннэргитин ситиһиилээхтик туттараҥҥыт, талан ылбыт идэҕитин баһылаан, үчүгэй үлэһит буолан тахсыаххыт, дойдугут аатын чугдаарыта дуоратыаххыт диэн олус эрэнэбит, алгыспытын этэбит. Эһиги иннигитигэр Аан дойду арыллан турар, олор, үлэлээ, ай-тут, аныгы саха ыччата, тус бэйэҕитигэр саҥа дьикти кэрэхсэбиллээх суолгутун арыйан, куруук иннигит диэки хардыылаан иһиҥ! #ТүмүкЧуораан #ПоследнийзвонокНД