Саха гимназиятыгар үөрүүлээх күн!
Саха гимназиятыгар үөрүүлээх күн! Саха дьоно ураты уустук тыйыс айылҕаҕа олорор дьон буоларбыт быһыытынан бэйэ-бэйэбитигэр ордук болҕомтону ууран, биир сүбэнэн, күүһү-күдэҕи холбоон олоҕу тэринэр омук буолабыт. Төрөппүт күүһүнэн тэриллибит оскуолабыт быйыл номнуо 25 сылын туолар үйэ чиэппэрэ үбүлүөйдээх үөрэх дьылыгар үктэннэ. Ураты үөрэх дьылын төрөппүппүт Филатов Василий Михайлович үөрүүбүтүн өссө үрдэтэн оскуолаҕа саҥа УАЗ массыынаны үтүө санаанан салайтаран утары уунна. Меценаппыт, Василий Михайлович, кырдьык да, биһиги оскуолабыт бырайыактара улуустарга, айылҕаҕа элбэхтик тахсалларын болҕомтотугар ылан, маннык сүдү көмөнү оҥорбута олус долгутуулаах. Ол курдук «Төрөөбүт дойду устун», «Булчут үүтээнэ», «Муҥха», муус ылыыта, «Куйуур», «Подледка», «Аҕа уонна уол күрэҕэ», оскуола ыһыаҕа, «Эрчимэн Бэргэн» диэн үгэскэ кубулуйбут бырайыактарбыт маннык тимир көлөнөн өйөммүттэрэ туох да сүҥкэн дьыала. Сабыс-саҥа массыынаны оскуола тэлгэһэтигэр сүүрдэн киллэрэн, «Аҕа уонна уол» стела иннигэр туруоран бэрт үөрүүлээх быһыыга-майгыга аҕабыт Василий Михайлович күлүүһүн туттарда. Араас кэмҥэ оскуолаҕа көмө-тирэх буолбут аҕаларбыт, «Ситим» эбэлэр, эһэлэр түмсүүлэрэ, учууталлар уонна үөрэнээччилэр үөрэн-көтөн ытыс үрдүгэр түһэрэн ыллыбыт. Ырыа ылланна, харда-махтал тыллар этиллиннилэр, үөрүүбүт үксээтэ. Салайааччыбыт Валентина Васильевна гимназиябыт эр дьон үлэһиттэрин уонна аҕаларын бииргэ түмэ тардан, ситимнээн оскуола ис-тас, иитии-үөрэтии үлэтигэр ордук таһаарыылаахтык кыттыһыннаран үлэни-хамнаһы сатабыллаахтык күүскэ тэрийэр. Оскуолабыт тэриллиэҕиттэн үлэлиир Аҕа сүбэтин хамсааһына тиһиктээхтик уонна былааннаахтык үлэлэһэн билигин олус киэҥ ыырданан, холобур буолар үлэ уопутун мунньунна. Аҕа сүбэтигэр көхтөөх, кыһамньылаах аҕалардаахпытынан олус киэн туттабыт. Кырдьык да эр киһи, аҕа киһи эркиннээх, тулааһыннаах буоллахха үлэ кыайыылаах буолар, норуот инники кэскилэ кэҥиир. Василий Михайлович курдук меценаттардаахпытынан киэн туттабыт! Олуһун диэн махтанабыт! Кыахтаах тимир көлөбүт, массыынабыт оҕо сайдарын туһугар сүүрдүн-көттүн, туһа буоллун! Амарах аҕаларбытыгар уруй-айхал! В подарок к 25-летию: родитель вручил Саха гимназии новый УАЗ В год своего 25-летнего юбилея Саха гимназия получила замечательный подарок. Наш меценат и родитель Василий Михайлович Филатов передал школе новый автомобиль УАЗ. Этот щедрый подарок - высокая оценка традиционных проектов гимназии, связанных с природой и национальными традициями: «Төрөөбүт дойду устун» (По родному краю), «Булчут үүтээнэ», «Муҥха», «Куйуур», «Подледка», «Аҕа уонна уол күрэҕэ» (состязание отца и сына), школьного Ысыаха и «Эрчимэн Бэргэн». Автомобиль необходим для наших частых выездов в улусы и на природу. Торжественное вручение ключей состоялось у стелы «Отец и сын». Ученики, педагоги, бабушки и отцы встретили подарок бурными аплодисментами, звучали песни и теплые слова благодарности. Успех таких инициатив - результат грамотного руководства директора Валентины Васильевны. Она сумела сплотить вокруг школы отцов и педагогов-мужчин, сделав их полноправными участниками воспитательного процесса. Движение отцов, активно действующее с основания гимназии, сегодня вышло на новый уровень и накопило богатый опыт. Мы гордимся нашими заботливыми и мужественными отцами! Мы очень благодарны Василию Михайловичу за поддержку! Пусть новый УАЗ послужит на благо развития и светлого будущего наших детей. Слава меценатам и заботливым отцам! #СоветОтцов #АҕаСүбэтэ #25летСГ