4-с "б" кылаас үөрэнээччилэрэ, төрөппүттэрэ (кыл.салайааччыта Петрова О.В.) алтынньы 10...
4-с "б" кылаас үөрэнээччилэрэ, төрөппүттэрэ (кыл.салайааччыта Петрова О.В.) алтынньы 10 күнүгэр гимназия 4-с кылаастарыгар "Мин сахабын" диэн сахалыы тылынан математическай бой ыыттылар. Хас биирдии кылаастан 10 оҕолоох хамаанда турда: 4 "а" кылаас "Эврика" (капитан - Максимов Артем), 4 "б" кылаас "Ситис" (капитан - Данилова Айсана), 4 "в" кылаас "Алта сэттэ" (капитан - Тобонов Айдар), 4 "г" кылаас "Всегда 4 г" (капитан - Готовцев Глеб). Оҕолор 3 түһүмэҕинэн сахалыы задачалары суоттаан, задачалары тылынан көмүскээн, күүстээх өй күрэҕэр кытыннылар. 1 миэстэни бааллара тэҥнэһэн, 4 "а" уонна 4 "б" кылаастар хамаандалара ыллылар. Кинилэртэн аҕыйах баалынан хаалан, 4 "в" кылаас хамаандата 2 миэстэ, 4 "г" кылаас хамаандата 3 миэстэни ыллылар. Гимназиябыт 4-с кылаастарын оҕолоро математическай бой курдук элбэх быраабылалаах, ыарахан задачалардаах оонньууга бастакы холонуулара оҕолорго хамаанданан оонньуу сатабылын, биир санаалаах буолууну бэлэхтээтэ дии саныыбыт. Биирдиилээн сахалыы тылынан задачалары суоттааһыҥҥа 1 миэстэ Тобонов Айдар (4 "в" кылаас), 2 миэстэ Птицын Вова (4 "а" кылаас), 3 миэстэ, Максимов Артем (4 "а" кылаас), Константинов Дыгын, Иванов Сергей (4 "б" кылаас), 4 миэстэ Нартахов Максимильян (4 "а" кылаас), Данилова Айсана (4 "б" кылаас), 5 миэстэ Иванова Ариана (4 "а" кылаас), Аммосов Айаал, Борисов Айсен (4 "б" кылаас) буоллулар.