Бүгүн биһиги гимназиябыт 11 б кылааһын үөрэнээччитэ Кондратьева Саяника дуобакка Арассы...
Бүгүн биһиги гимназиябыт 11 б кылааһын үөрэнээччитэ Кондратьева Саяника дуобакка Арассыыйа спордун маастара үрдүк ааты ылбытын чиэстиир үөрүүлээх түһүлгэтэ буолла. Саяника Аан дойду, Европа, Россия уонна Саха Сирин хас да төгүллээх кыайыылааҕа уонна призера. Ол курдук кини 5 сааһыттан дуобат эйгэтигэр үктэнэн, күн бүгүҥҥэ диэри олус элбэх күрэҕи, дьарыгы ааһан, сыралаах үлэтэ үрдүктүк сыаналанна. Гимназиябыт дириэктэрэ Пермякова Валентина Семеновна бука бары үөрэнээччилэр, учууталлар ааттарыттан, киэн туттан туран, Саяниканы истиҥник эҕэрдэлээтэ. Төрөппүттэригэр, тренерыгар махталын биллэрдэ. Үөрүүлээх тэрээһиҥҥэ 5 "в" кылаас үөрэнээччилэрэ (кылаас салайааччыта Кириллина С. Т.) гимназия өрөгөйүн ырыатын толорбуттара түһүлгэни ордук сэргэхситтэ. Иитиллээччилэрин, үөрэнээччилэрин Россия спордун маастара, тренер Павлов Иван Олегович, Россия спордун маастара Кычкин Василий Николаевич , Саяника маҥнайгы учуутала Николаева Валентина Ивановна, уһуйаанын иитээччитэ Россия үөрэҕэриитин бочуоттаах үлэһитэ Егорова Валентина Васильевна, кылааһын салайааччыта Назарова Василина Васильевна Саяниканы үөрэҕэр да спортка да олус кыһаллар, дэгиттэр талааннаах, бэриниилээх, сүрэхтээх киһи буоларын бэлиэтээн эттилэр, бастыҥ эҕэрдэлэрин тиэртилэр. Түмүккэ Саяника төрөппүттэрэ уонна эдьиийэ Дайаана гимназия салалтатыгар, учууталларга, тренердарыгар махтал тылларын анаатылар. Саяникаҕа инникитин үрдүк ситиһиилэри, кыайыыны-хотууну баҕарабыт.