ТОХСУННЬУ 19 КҮНЭ - УЛУУС ҮӨРЭҔИРИИТИН ТӨРҮТТЭММИТ КҮНЭ
ТОХСУННЬУ 19 КҮНЭ - УЛУУС ҮӨРЭҔИРИИТИН ТӨРҮТТЭММИТ КҮНЭ Ытыктабыллаах педагогическай үлэ бэтэрээннэрэ, кэллиэгэлэр, күндү үөрэнээччилэр! Мэҥэ Хаҥалас улууһун үөрэҕириитин тиһигэ төрүттэммит күнүнэн барыгытын истиҥник эҕэрдэлиибин! 152 сыл устата оскуолалар, уһуйааннар, эбии үөрэхтээһин тэрилтэлэрэ улууспут оҕолорун үөрэтэн-такайан, иитэн таһаардылар, олох киэҥ суолугар көччөх гынан көтүттүлэр. Күн бүгүн уопсастыба уонна экономика сайдыытыгар олоҕуран, гражданины иитии сүрүн сыалын быһаараары биһиги элбэх соруктары тэҥинэн толоробут. Салайааччыларга, педагогтарга, оҕолорго уонна төрөппүттэргэ ирдэбиллэр улааталлар. Кэнчээри ыччаппыт кэскилигэр ылсан ис дууһаҕытыттан айымньылаахтык, эппиэтинэстээхтик үлэлииргит, идэҕитигэр бэриниигит, оҕоҕо тапталгыт иһин бары педагогтарга махталбын тиэрдэбин. Түмсүүлээхтик, биир санаанан салайтарын үлэлээтэхпитинэ турбут сыаллар-соруктар туолуохтара. Үөрэнээччилэрбит билии-көрүү суолунан эрэллээхтик хааман туруоруммут сыалларын ситиһэллэригэр, талбыт идэлэрин баһылыылларыгар, дойдуларыгар туһалаах дьон буолалларыгар эрэнэбин. Хас биирдиигитигэр чөл туругу, ситиһиилээх үлэни, үөрэҕи, дьиэ- кэргэҥҥэ туруктаах олоҕу баҕарабын. И.М. Плотникова, оройуоннааҕы үөрэҕирии салалтатын начаалынньыга