СУОЛГА КУТТАЛ СУОХ БУОЛУУТУН СУДААРЫСТЫБАННАЙ ИНСПЕКЦИЯ ТЭРИЛЛИБИТЭ 90 СЫЛЛААХ ҮБҮЛҮӨЙЭ
СУОЛГА КУТТАЛ СУОХ БУОЛУУТУН СУДААРЫСТЫБАННАЙ ИНСПЕКЦИЯ ТЭРИЛЛИБИТЭ 90 СЫЛЛААХ ҮБҮЛҮӨЙЭ Бүгүн, от ыйын 3 күнүгэр суолга куттал суох буолуутун судаарыстыбаннай инспекция тэриллибитэ 90 сыллаах үбүлүөйэ буолла. Бу үөрүүлээх күҥҥэ улуус баһылыгын нэһилиэнньэ олоҕун-дьаһаҕын хааччыйыыга солбуйааччы Николай Никифоров инспекция начаалынньыгын Александр Александровиһы, бары үлэһиттэри уонна бэтэрээннэри идэлээх бырааһынньыктарынан эҕэрдэлээтэ. Суолга быһылаан тахсыбатын туһугар күннэри-түүннэри сыралаһан толорор сулууспаларын, үтүө суобастаах үлэлэрин иһин махтал суруктары туттарда. Үлэҕэ үрдүк ситиһиилэрин иһин суолга бэрээдэги кэтиир сулууспатын старшай лейтенана Семен Семенович дьаһалта грамотатынан, полиция хапытаана Татьяна Набережная, лейтенант Алексей Матчитов, старшай лейтенант Сардана Маркова баһылык махтал суруктарынан наҕараадаланнылар. Инникитин даҕаны улууспут олохтоохторо куттала суох олохторун туһугар бииргэ үлэлиэхпит диэн эрэнэбит. Эһиги хорсун үлэҕит, бэриниигит, эппиэтинэстээх сыһыаҥҥыт үүнэр көлүөнэҕэ холобур буолуохтун! Мэҥэ Хаҥалас улууһун дьаһалтатын пресс-сулууспата