ӨРӨСПҮҮБҮЛҮКЭБИТИГЭР БЭЧЭЭТ КҮНЭ!
ӨРӨСПҮҮБҮЛҮКЭБИТИГЭР БЭЧЭЭТ КҮНЭ! Бэчээт эйгэтин бары үлэһиттэрин, бэтэрээннэрин, суруналыыс идэлээх биир дойдулаахтарбытын Саха сиригэр бэчээт күнүнэн улуус баһылыгын, салалтатын, дьокутааттарын Сэбиэтин ааттарыттан эҕэрдэлиибит! Бэчээт эйгэтэ – олохпут биир тутаах салаата. Эһиги өрөспүүбүлүкэбит, улууспут саҥа сонуннарын, олохпут араас түгэннэрин дьоҥҥо-сэргэҕэ тиэрдэн, дьон өйүн-санаатын байытаҕыт, үөрэххэ-билиигэ сыһыараҕыт, ону таһынан саха тылын уонна култууратын сайдыытыгар олук уураргыт олус кэрэхсэбиллээх. Инникитин даҕаны норуокка саҥаттан саҥа сонуннары таһаара, бэчээттии тураргытыгар, уустук үлэҕит айымньылаах, табыгастаах буоларыгар, үрдүктэн үрдүк ситиһиилэри, тус бэйэҕитигэр чэгиэн туругу, этэҥҥэ буолууну, дьиэ кэргэҥҥитигэр дьолу-соргуну, эйэлээх халлааны баҕарабыт! Мэҥэ Хаҥалас улууһун дьаһалтатын пресс-сулууспата