ТӨҤҮЛҮ НЭҺИЛИЭГИТТЭН ШАРИННАР ДЬИЭ КЭРГЭНЭ «РОССИЯ — СТРАНА ВОЗМОЖНОСТЕЙ» КҮРЭХХЭ БАСТЫ... — 9 июля 2026 г. в 08:05:09.160
ТӨҤҮЛҮ НЭҺИЛИЭГИТТЭН ШАРИННАР ДЬИЭ КЭРГЭНЭ «РОССИЯ — СТРАНА ВОЗМОЖНОСТЕЙ» КҮРЭХХЭ БАСТЫҤНАР КЭККЭЛЭРИГЭР КИИРДИЛЭР Олунньу 8 күнүгэр Москваҕа «Россия — страна возможностей» платформаҕа ыытыллыбыт Бүтүн Россиятааҕы «Это у нас семейное» куонкурус иккис сезонун түмүктээтилэр. Бу күрэххэ уопсайа 196 000 дьиэ кэргэнтэн 726 000 тахса киһи сайаапка биэрбит. Финалга Россия 89 регионуттан 328 ыал күрэхтэспит, онтон алта уона кыайыылааҕынан таҕыста, ол иһигэр биир дойдулаахтарбыт Галина Иннокентьевна уонна Федор Иннокентьевич Шариннар, дьиэ-уот усулуобуйатын тупсарарга 5 000 000 солкуобай сэртипикээти туттулар. Шариннар дьиэ кэргэн: Мэҥэ Хаҥалас улууһун Аҕа баһылыгар Дмитрий Иванович Тихоновка, Төҥүлү нэһилиэгин баһылыгар Петр Васильевич Эверстовка, уолбут Федя бииргэ үлэлиир дьонугар, "Сервионика" хамаандатыгар, ытык дьоммутугар, табаарыстарбытыгар уонна дьүөгэлэрбитигэр улахан махталбытын биллэрэбит. "Это у нас семейное" күрэх сылын аайы кэҥээн ыытыллыа диэн эрэннэрдилэр. Күндү биир дойдулаахтарбытын, Саха сирин дьиэ кэргэттэрин бу 3 көлүөнэнэн ыытыллар интэриэһинэй күрэххэ кыттаргытыгар, оҕолоргутун, сиэннэргитин кытта сибээскитин күүһүрдэргитигэр ыҥырабыыт. Барыгытыгар доруобуйаны, дьоллоох дьиэ кэргэни, этэҥҥэ буолууну баҕарабыт. Шариннар дьиэ кэргэннэригэр бука барыбыт аатыттан эҕэрдэлээн туран, инникитин даҕаны үгүс ситиһиилэри, дьолу-соргуну, чэгиэн доруобуйаны баҕарабыт! Мэҥэ Хаҥалас улууһун дьаһалтатын пресс-сулууспата