ДЬИЭ КЭРГЭН – ОЛОХПУТ ТӨРДӨ — 9 июля 2026 г. в 08:38:10.480
ДЬИЭ КЭРГЭН – ОЛОХПУТ ТӨРДӨ Дойдубут Президенин ыйааҕынан 2022 сылтан от ыйын 8 күнүгэр "Дьиэ кэргэн, таптал уонна бэриниилээх буолуу күнэ" бэлиэтэнэр. Бу ытык күнүгэр, дьиэ кэргэн сыаннастарын тарҕатар, көлүөнэлэр сибээстэрин бөҕөргөтөр, ийэ уонна аҕа оруолларын үрдэтэр, киэн туттар, холобур оҥостор ытык-мааны дьиэ кэргэттэрбит «Таптал уонна бэриниилээх буолуу» бэлиэлэрин туттулар: Мэлдьэхси нэһилиэгиттэн Семен Алексеевич уонна Парасковья Серафимовна Герасимовтар, Дьабыыл нэһилиэгиттэн Петр Семенович уонна Дария Васильевна Ивановтар, Федор Александрович уонна Марфа Иннокентьевна Самойловтар, Хорообут нэһилиэгиттэн Афанасий Афанасьевич уонна Апрелина Прокопьевна Кузьминнар, 1-кы Баатара нэһилиэгиттэн Валериан Иннокентьевич уонна Галина Иннокентьевна Неустроевтар, Майа сэлиэнньэтиттэн Виктор Иннокентьевич уонна Акулина Николаевна Алексеевтар, Ходоро нэһилиэгиттэн Владимир Егорович уонна Татьяна Васильевна Петровтар дьиэ кэргэттэрэ. "Ытык ыал" 60 сыллаах бэлиэтин Майа сэлиэнньэтиттэн Людмила Михайловна уонна Михаил Николаевич Дегтяревтар туттулар. Өрөспүүбүлүкэтээҕи дьиэ кэргэн күрэххэ улууспут аатын чиэстээхтик көмүскээбит Варвара Михайловна Александрова уонна Василий Степанович Слепцов Саха Өрөспүүбүлүкэтин сайдыы уонна үлэ миниистирин илии баттаммыт туоһу суругун туттулар. Хас биирдии ыалга эйэни, уостубат тапталы, бигэ туругу, толору дьолу баҕарабыт. Бэйэ бэйэҕэ бэриниилээх, инникигэ эрэллээх, чэгиэн-чэбдик буолуҥ! Мэҥэ Хаҥалас улууһун дьаһалтатын пресс-сулууспата