🤩👏🏻Мэҥэ Хаҥалас кырачааннара художественнай гимнастиканан дьарыктаналлар — 8 июля 2026 г. в 04:45:56.676
🤩👏🏻Мэҥэ Хаҥалас кырачааннара художественнай гимнастиканан дьарыктаналлар Мэҥэ Хаҥалас улууһугар Майа сэлиэнньэтигэр биир нэдиэлэ устата кырачаан кыргыттарга художественнай гимнастикаҕа дьарык ыытылынна. Дьарыгы художественнай гимнастикаҕа Саха сирин сүүмэрдэммит хамаандатын чилиэнэ, Россия спордун маастара, тренер Кристина Ксенофонтова ыытта. Художественнай гимнастика Олимпийскай көрүҥ буоларын быһыытынан кытаанах характеры, тулууру, дьулууру, дисциплинаны уонна бэрээдэги ирдиир, онон оҕо кыра сааһыттан дьаныардаахтык дьарыктаннаҕына эрэ ситиһиигэ кэлэр диэн эдэр тренер санаатын үллэстэр. Кристина Ксенофонтова Майаттан төрүттээх. Кинини төрөппүттэрэ 5 сааһыгар художественнай гимнастикаҕа биэрбиттэр. Дьокуускайга Виолетта Никифороваҕа дьарыктанан билигин Кристина Москватааҕы государственнай педагогическай университет С.Я. Маршак аатынан физкультурнай колледж иккис кууруһун устудьуона. Сайыҥҥы сынньалаҥар дойдутугар кэлэн кырачаан оҕолору бэйэтин сатабылыгар уһуйан, кыргыттарга умнуллубат кэрэ түгэни бэлэхтээтэ.