ЭДЭР ЫЧЧАТ НАРКОТИК УТАРЫ
ЭДЭР ЫЧЧАТ НАРКОТИК УТАРЫ От ыйын 22 күнүгэр, Бүтэйдээх нэһилиэгэр «Ыччат наркотик утары» диэн сэрэтии аахсыйата ыытылынна. Аахсыйаҕа Социальнай бэлиитикэ управлениетын үлэһиттэрэ, нэһилиэк дьаһалтата, ону таһынан улуус ыччаттарыттан баҕа өттүнэн көмөлөһөөччүлэр кыттыыны ыллылар. Нэһилиэктэн чугастыы икки сиргэ ыар айылгылаах сиикэй көлөппүнэ үүнэр сирдэрэ булулунна. Аахсыйа кыттыылаахтара 37,95 киилэ наркотиктаах үүнээйини суох оҥордулар уонна туһаттан таһаардылар. Тэрээһин сүрүн сыала сокуоннайа суох ыһыылары суох оҥоруу эрэ буолбакка, ону тэҥэ эдэр ыччат болҕомтотун наркомания кыһалҕатыгар тардыы, чөл олоҕу оҥоруу уонна айылҕаҕа эппиэтинэһи үөскэтии буолар. Маннык кэрийиилэр үүнээйилэр күүскэ үүнэр кэмнэригэр кутталлаах эттик сокуоннайа суох эргииргэ киирэрин тохтотоллор. Сүрүн соруктара: ыччаты наркомания утары охсуһууга кытыннарыы, чөл олоххо үөрэтии уонна айылҕаҕа эппиэтинэскэ иитии. Бу курдук үлэ салҕанан ыытыллара улуус ыччатыгар чөл олох үгэстэрин иҥэриэҕэ, наркотик сокуоннайа суох эргииргэ киириитин тохтоторго олук ууруоҕа. Мэҥэ Хаҥалас улууһун дьаһалтатын пресс-сулууспата