🌾 Манчаары аатынан «Уол оҕо-ыччат күүлэйэ» хотуурунан оту охсуу бастакытын тэрилиннэ — 29 июля 2026 г. в 13:10:52.673
🌾 Манчаары аатынан «Уол оҕо-ыччат күүлэйэ» хотуурунан оту охсуу бастакытын тэрилиннэ ☀️ От ыйын 28 күнүгэр Мэҥэ нэһилиэгэр Күөллэрики алааһыгар илии хотуурунан оту охсуу төрүт дьарыгар Манчаары аатынан «Уол оҕо-ыччат күүлэйэ» бастакынан тэрилиннэ. 💪 Этнопедагог, фольклорист Дорҕоон Дохсун Ворогушин ааптардаах «Хотуур хоһууна» бырайыак “Барҕа” уһуйаан чэрчитинэн ыытылынна. Балыктаахха сыл аайы Дьулус Говоровка ‒ пиэрмэр буолбут үөрэнээччитигэр Дорҕоон Дохсун үөрэнээччилэри аҕалан от охсуутугар дьарыктаабыта хас да сыл буолла. Күүлэй сүрүн сыала-соруга уол оҕо төрөөбүт дойдутун таптыырыгар, дойдутун устуоруйатын ытыктыырыгар, саха омук төрүт дьарыктарын ытыктыырга, харыстыырга уһуйуу уонна оту охсууну спортивнай дьарык быһыытынан ылыныы, билинии буолаллар. 🌀 Ыраахтан-чугастан кэлбит кыттааччылары, ыалдьыттары үөрэ-көтө көрсөн, күүлэй буолар сирин билиһиннэрэн, алгыс сиэрин-туомун толорон күөн күрэһи саҕалаатыгар. От охсуох иннинэ биир интириэһинэй, ураты сиэринэн-туомунан “хотууру уулатыы» буолла. Уолаттарга суолларын Мэҥэ нэһилиэгин баһылыга Ньургун Габышев, Дорҕоон Дохсун уонна Амма Эмис нэһилиэгиттэн кэлбит 8 оҕолоох Далбар Хотун, хотуур күүлэйин хас да кыайыылааҕа Матрена Тимофеева охсон арыйдылар. 👨🌾 Дорҕоон Дохсун Ворогушин: 🔹 – Быйыл бастакы күүлэйбитин Күөллэрики алааска ыыта сылдьабыт. Биһиги бу алааска эрдэ хаста да оттообуппут. 2016 сылга Майаҕа үлэлии сылдьан «Хотуур Хоһууна» бырайыагы билигин улуус баһылыгын, оччолорго сэлиэнньэ баһылыгын кытта Дмитрий Тихоновтыын күүскэ саҕалаабыппыт. Сүрүн настаабынньыгым Василий Титович Окороков буолар. Киниэхэ тиийэммин хотууру сытыылыырга, таптайарга, оҥорорго уонна хайдах оҕолору от охсорго үөрэтэргэ элбэх сүбэни-аманы, уопуту ылбытым. Киһи сатабылын, дьоҕурун сайыннарыыта хаһан да бүтэн хаалбат, сылтан сыл аайы кыра-кыралаан эбиллэн иһэр. Билигин манна бастакы үөрэнээччилэрим эмиэ кытта сылдьаллар. Кылаабынайа оҕолорго эт-сиин тулуура дии саныыбын. Күүлэй тэрээһинэ ыһыах үгэһин ситэрэн биэрии, салгыыта буолар. Ыһыахха от үүнүүтүн туһугар түһэриллибит алгыс кэннэ ынахтарбытыгар, сылгыларбытыгар анаан оттуу киирэбит. Илиинэн охсуллубут от саамай хаачыстыбалаах, битэмиин өттүнэн үрдүк көрдөрүүлээх буолар. Маннык бырайыактар сайда туралларыгар баҕа санаалаахпын. Оҕону үлэҕэ үөрэтиини күүскэ көҕүлүөҕүҥ диэн ыҥырабын. Окко сылдьыбыт оҕо үлэни кытта сиһилии билсэн: кэлэктииби кытта тэҥҥэ сылдьан, хотуурунун, кыраабылынан үлэлээн, сарсыарда эрдэ туран, киэһэ сөпкө утуйан – кыаҕын сөпкө туһанар буолар, тулуурун сайыннарар. Айылҕаҕа сылдьан оҕолор дьиэтигэр, доҕотторугар, дойдутугар сыһыана уларыйар, ол чахчы, – диэн иһитиннэрдэ. ➡️➡️➡️ Сиһилии: https://xn--h1abcx8dca.xn--p1ai/manchaary-aatynan-uol-o%d2%95o-ychchat-k%d2%af%d2%afleje-hotuurunan-otu-ohsuu-bastakytyn-terilinne/ @gazetaerkeii @ulusmedia