Бүгүн үлэ, тыыл бэтэрээнэ, сэрии сылларын оҕото, Бүтэйдээх нэһилиэгин Бочуоттаах олохто...
Бүгүн үлэ, тыыл бэтэрээнэ, сэрии сылларын оҕото, Бүтэйдээх нэһилиэгин Бочуоттаах олохтооҕо Августа Петровна Окорокова үбүлүөйдээх 90 сааһын туолбут үбүлүөйдээх күнүнэн улуус баһылыгын, салалтатын, дьокутааттарын Сэбиэтин, үтүө үлэһит дьонун ааттарыттан итиитик-истиҥник эҕэрдэлиибит! Августа Петровна 1936 сыллаахха Тараҕай нэһилиэгэр төрөөбүтэ. Оҕо сааһа сэрии ыар кэмнэригэр ааспыта. Улахан дьону кытта тэҥҥэ үлэлэһэн, Улуу Кыайыыны уһансыбыта, үлэни өрө тутан кэлбит үтүө киһибит. 1957 сыллаахха акушер идэтин баһылаан, 35 сыл тохтобула суох Бүтэйдээх нэһилиэгин учаастактааҕы балыыһатыгар акушерканан, кэлин оройуон балыыһатыгар үлэлээбитэ. Кини куруутун үрдүк хаачыстыбалаах көмөнү оҥорорго дьулуһара, ийэлэри ыарахан кэмҥэ өйүүрэ. Элбэх эдэр исписэлииһи үүннэрэн таһаарбыта, элбэх оҕо кини илиитин сылааһыгар күн сирин көрбүтэ. Августа Петровна 5 оҕо күн-күбэй ийэтэ, билигин 13 сиэн, 32 хос сиэн уонна 1 хос-хос сиэн тапталлаах эбэтэ. Ытык киһибит Августа Петровна! Сыралаах, таһаарыылаах үлэҕин, дьиэ кэргэҥҥэр бэриниигин иһин истиҥник махтанан туран, эйиэхэ уонна дьиэ кэргэҥҥэр чэгиэн-чэбдик туругу, этэҥҥэ буолууну, эйэлээх халлааны, бары үтүөнү, дьолу-соргуну баҕарабыт! Оҕолоруҥ, сиэннэриҥ, хос сиэннэриҥ, хос-хос сиэннэриҥ, аймах-билэ чугас дьонуҥ тапталларынан, махталларынан арыаллатан өссө да уһун үйэлэн диэн алгыс тылбытын аныыбыт! Мэҥэ Хаҥалас улууһун дьаһалтатын пресс-сулууспата