🌿Киин бибилэтиэкэ иһинэн Айылҕа харыстабылын киинэ арылынна
🌿Киин бибилэтиэкэ иһинэн Айылҕа харыстабылын киинэ арылынна ☘️ СӨ Ил Дарханын Айсен Николаев 2018 с. балаҕан ыйын 27 күнүнээҕи 123 №-дээх «Саха Өрөспүүбүлүкэтин экологиятын 2030 сылга диэри туруга» диэн ыйааҕынан, СӨ экология, айылҕаны туһаныы уонна тыа хаһаайыстыбатын министиэристибэтин 2024 сыл ахсынньы 12 күнүнээҕи суругар олоҕуран, Мэҥэ Хаҥалас улууһун нэһилиэнньэтигэр айылҕа харыстабылын култууратын үрдэтэр уонна сырдатар сыалтан атырдьах ыйын 3 күнүгэр И.М.Сосин аатынан оройуоннааҕы киин бибилэтиэкэ иһинэн Айылҕа харыстабылын киинэ арылынна. 🍃 Улахан суолталаах, дьоһуннаах тэрээһиҥҥэ мустубут ыалдьыттарга, бибилэтиэкэ кэлэктиибигэр, айылҕа харыстабылын көҕүлүүр дьоҥҥо алгыс сиэрин-туомун Спиридон Григорьев – Илгэлээх Испирдиэн толордо. Үөрүүлээх чааска улуус баһылыгын нэһилиэнньэ олоҕун-дьаһаҕын хааччыйыыга солбуйааччыта Алексей Никифоров, Майа сэлиэнньэтин баһылыга Алексей Неустроев, улуустааҕы кииннэммит бибилэтиэкэ ситимин дириэктэрэ Марианна Никанорова, айылҕа харыстабылын улуустааҕы иниспиэксийэтин салайааччыта Федор Охлопков эҕэрдэлээтилэр. 🐾 Маны тэҥэ бэлиэ тэрээһин чэртитинэн кэлбит эр дьон, булчуттар сэрэбиэйинэн туйахтаах кыыллары бултуурга көҥүл ыллылар. Сиhилии ⬅️ @gazetaerkeii @ulusmedia