Күндү биир дойдулаахтарым!
Күндү биир дойдулаахтарым! Бүгүн биһиги Саха Өрөспүүбүлүкэтин Судаарыстыбаннаһын күнүн —киэн тутта көрсөбүт. Бу күн 1990 сыллаахха ылыллыбыт Суверенитет туһунан Декларация норуоппут бэйэтин дьылҕатын быһаарынар кыахтаммытын, судаарыстыбаннас саҥа үйэтин арыйбытын кэрэһитэ буолар. Сахабыт сирэ — Арассыыйа туллубат тутааҕа, модун санаалаах норуоттар доҕордоһууларын киинэ. Былыргы өбүгэлэрбит үтүө үгэстэрин, айылҕалыын алтыһар сиэри-туому тутуһан, билигин даҕаны иннибит диэки эрэллээхтик хардыылаан иһэбит. Хас биирдиибит сыралаах үлэтинэн-хамнаһынан төрөөбүт дойдубут чэлгийэ сайдарын туһугар кылааппытын киллэрсэбит. Бу бэлиэ күҥҥэ барыгытыгар чэгиэн доруобуйаны, дьолу уонна этэҥҥэ буолууну баҕарабын. Түмсүү, бэйэ-бэйэҕэ көмө, үгэстэргэ ытыктабыл - биһиги бигэ аргыстарбыт буоллуннар! Эҕэрдэни кытта, улуус дьокутааттарын Сэбиэтин бэрэссэдээтэлэ Иннокентий Андросов