АНАЛ БАЙЫАННАЙ ДЬАЙЫЫ КЫТТЫЫЛААХТАРЫН ИЙЭЛЭРИН, КЭРГЭТТЭРИН УОННА МЭҤЭ ХАҤАЛАС ВОЛОНТЕР...
АНАЛ БАЙЫАННАЙ ДЬАЙЫЫ КЫТТЫЫЛААХТАРЫН ИЙЭЛЭРИН, КЭРГЭТТЭРИН УОННА МЭҤЭ ХАҤАЛАС ВОЛОНТЕРДАРЫН УЛУУСТААҔЫ СПАРТАКИАДАТА САҔАЛАННА Бүгүн, балаҕан ыйын 22 күнүгэр, Аллараа Бэстээхтээҕи "Парус" спортивнай уораҕайыгар Анал байыаннай дьайыы кыттыылаахтарын, бэтэрээннэрин ийэлэрэ, кэргэттэрэ уонна Мэҥэ Хаҥалас волонтердара кыттыылаах, улуустааҕы спартакиада Майатааҕы "Харыстаана" анал байыаннай дьайыы кыттыылаахтарын ийэлэрин, кэргэттэрин түмсүүлэрин тэрийиитинэн ыытылынна. Тэрээһин арыллыытыгар улуус баһылыга, Дмитрий Тихонов, Саха Өрөспүүбүлүкэтин эдэр ыччатын уонна социальнай коммуникацияларын миниистирэ Петр Шамаев, СӨ «Вместе к Победе!» координационнай киин хамыыһыйатын, Донбаһы өйүүр Хотугулуу-Илиҥҥи пуонда салайааччытыта Георгий Куркутов, Дьокуускайдааҕы Добровольчество Ресурснай киинин, СӨ-гэр доброволчестваны сайыннарыыга отдел салайааччыта Дьулусхан Павлов кыттыыны ыллылар, наҕараадалары туттардылар. Спартакиада кыттыылаахтарын «Кыталык» норуодунай үҥкүү ансаамбыла, "Харыстаан олоҕу" ырыанан Анал байыаннай дьайыы кыттыылаахтарын дьиэ кэргэттэрин "Харыстаана" түмсүүтэ эҕэрдэлээтилэр. Кыттааччылар "Дартс", "Хабылык/хаамыска", "Корнхол", "Хомуур күрэх", "Эстафета" көрүҥнэригэр күрэхтэһиэхтэрэ. Мэҥэ Хаҥалас улууһун пресс-сулууспата