💪🏼 Мэҥэ Хаҥалас хамаандата өрөспүүбүлүкэ чөмпүйүөнэ буолла
💪🏼 Мэҥэ Хаҥалас хамаандата өрөспүүбүлүкэ чөмпүйүөнэ буолла 🎲 Дьокуускайга Манчаары Баһылай аатынан успуорт национальнай көрүҥнэрин киинигэр хабылыкка, хаамыскаҕа бэтэрээннэр күрэхтэһиилэрэ буолан ааста. 83 спортсмен, 13 хамаанда күөн көрүстэ. 🫴🏼 «Манчаары» киинин дириэктэрин солбуйааччы Иван Иванович Борисов, Хабылык федерациятын президенэ Ольга Григорьевна Григорьева эҕэрдэ, махтал тылларын тиэртилэр, үбүлүөйдээх дьоммутун чиэстээтилэр. Спортсменнары уонна ыалдьыттары «Махтал» үҥкүү этно-фольклор бөлөҕө, «Арчы дьиэтэ» духуобунай киин иһинэн үлэлиир «Өбүгэ ситимэ» ансаамбыл эҕэрдэлээтилэр. 🏆 Хамаанданан уопсай түмүккэ Мэҥэ Хаҥалас хамаандата чөмпүйүөн үрдүк аатын ылары ситистэ. Дьокуускай иккис, Ньурба үһүс миэстэ буоллулар. Биһиги хамаандабыт ситиһиилэрэ: 🥇 1 миэстэ — Василий Романов (Майа), Екатерина Попова (Бэдьимэ), Гаврил Аргунов (Бэдьимэ). 🥈 2 миэстэ — Анна Романова (Майа), Василий Борисов (Хорообут), Антонина Фёдорова (Тиэлиги. 🥉 3 миэстэ — Акулина Мартынова (Ороссолуода), Павел Филиппов (Сыымах), Иннокентий Винокуров (Бэдьимэ), Сергей Варламов (Нуораҕана). Маны таһынан наадалаах очукуолары биэрдилэр Анна Баишева (Төҥүлү), Акулина Зыкова (Чыамайыкы), Дмитрий Колосов (Майа), Раиса Романова (Сыымах), Тамара Пермякова (Майа). Онон Екатерина Егоровна Васильева аатын үйэтитэр улуустааҕы күрэскэ сүүмэрдэммит бэтэрээннэр хамаандалара улууспут чиэһин үрдүк таһымҥа көмүскээтэ, өрөспүүбүлүкэҕэ тэҥнээҕин булбата! 🙌🏼 Күндү бэтэрээн спортсменнарга чэгиэн туругу, кытаанах доруобуйаны баҕарабыт!!! Екатерина Попова. @gazetaerkeii @ulusmedia