Бүгүн, алтынньы 30 күнүгэр, Майа сэлиэнньэтигэр улуустааҕы Р.Г. Васильев аатынан кыраай...
Бүгүн, алтынньы 30 күнүгэр, Майа сэлиэнньэтигэр улуустааҕы Р.Г. Васильев аатынан кыраайы үөрэтэр түмэлгэ «Үһүс көлүөнэ оскуолатын» аннынан баар Марфа Васильевна Алексеева салайааччылаах «Умсулҕан» драматическай куруһуок үбүлүөйдээх 10 сылыгар аналлаах үөрүүлээх айар түһүлгэ эҕэрдэ кэнсиэрэ ыытылынна. Кэрэ-бэлиэ күнүнэн «Майа сэлиэнньэтэ» тыа сирин түөлбэтин баһылыгын социальнай боппуруостарга солбуйааччы Наталия Пахомова, улуустааҕы бэтэрээн Сэбиэтин бэрэссэдээтэлэ Евдокия Решетникова, «Үһүс көлүөнэ оскуолатын» салайааччыта Людмила Заровняева-Стручкова уонна «Умсулҕан» драматическай куруһуок кыттааччыларын чугас-билэ дьонноро, бииргэ үлэлиир тэрилтэлэр салайааччылара эҕэрдэлээтилэр, наҕараадалары туттардылар. Марфа Васильевна Алексеева «Мэҥэ Хаҥалас улууһун култуурата уонна ускуустубата сайдарыгар кылаатын иһин» диэн түөскэ кэтиллэр бэлиэ хаһаайката буолла. «Умсулҕан» драматическай куруһуок кыттыылаахтара бэйэлэрин бэтиэхэлээх эҕэрдэ кэнсиэрдэринэн тоҕуоруһа мустубут дьон-сэргэ сүргэлэрин көтөхтүлэр, көр-күлүү түһүлгэтин тэрийдилэр. Ытык-мааны Марфа Васильевна уонна «Умсулҕан» драматическай куруһуок бары кыттыылаахтарын кэрэ-бэлиэ күҥҥүтүнэн итиитик-истиҥник эҕэрдэлээн тураммыт, чэгиэн-чэбдик туругу, эйэлээх олоҕу, дьолу-соргуну баҕарабыт! Айар-тутар дьоҕургут өссө да инникилээх буоллун, кэлэр кэнчээри ыччаты сырдыкка, кэрэҕэ эрэ угуйа туруохтун! Майа олохтоох дьаһалтата