Биир дойдулаахпыт Марфа Аммосова - “Олоҥхо-батл” тэлэбиисэринэн куоҥкурус КЫЛААН КЫАЙЫЫ...
Биир дойдулаахпыт Марфа Аммосова - “Олоҥхо-батл” тэлэбиисэринэн куоҥкурус КЫЛААН КЫАЙЫЫЛААҔА! 🔸 Алтынньы ый 3 күнүттэн 31 күнүгэр диэри “Саха” көрдөрөр-иһитиннэрэр хампаанньа тэрийэн, иилээн-саҕалаан ыытар 5-с төгүлүн ыытыллыбыт “Олоҥхо-батл” күрэһэ бар дьон биһирэбилин ылыан ылла. 🔸 Мэҥэ Хаҥалас улууһун Дьанхаады нэһилиэгиттэн төрүттээх, быыкаа 5 сааһыттан олоҥхо алыптаах эйгэтигэр киирбит Марфа Аммосова быйылгы “Олоҥхо-батл” куоҥкуруһун тыҥааһыннаах киирсиилэрин түмүгүнэн “КЫЛААН КЫАЙЫЫЛААХ” аатын ылан үөрүү өрөгөйүн бар дьонугар бэлэхтээтэ! 🔸 Кылаан кыайыылаах Марфа Аммосованы уһуйаан сааһыттан уһуйааччы, олоҥхону толорооччу, СӨ култууратын туйгуна, РФ үөрэҕириитин бочуоттаах үлэһитэ Айталина Николаевна Верховцева олоҥхо эйгэтигэр киллэрэн, уһуйан, күн бүгүн Марфа Федотовна Арктикатааҕы култуура, ускуустуба уонна креативнай индустрия университетын уһуйааччыта, бэйэтэ оҕолору олоҥхоҕо, ырыаҕа-тойукка уһуйааччы, өрөспүүбүлүкэтээҕи “ЫЧЧАТ ОЛОҤХО” түмсүү салайааччыта буолан айымньылаахтык үлэлии-хамсыы сылдьар. 💐 Кыыспытын Марфа Федотовна Аммосованы өрөгөҋдөөх кыайыытынан биир дойдулаахтарын аатыттан ис сүрэхпититтэн эҕэрдэлиибит, киэн туттабыт! 👏👏👏👏👏👏👏👏👏 @gazetaerkeii @ulusmedia