Саха норуотун IX Cпортивнай оонньуулара эһиил, 2027 сылга, Ньурба улууһугар ыытыллыахт... — 4 июня 2026 г. в 09:42:24.990
Саха норуотун IX Cпортивнай оонньуулара эһиил, 2027 сылга, Ньурба улууһугар ыытыллыахтара. Бу киэҥ далааһыннаах спартакиадаҕа сүүмэрдиир сыаллаах фитнес-аэробикаҕа Саха Республикатын XVII чемпионата бэс ыйын 6 күнүгэр Ньурба улууһун Антоновка сэлиэнньэтигэр буолаары турар. Сүрдээх уустук, илистиилээх, күүстээхтэн күүстээхтэри, чаҕылхайтан чаҕылхайдары быһаарар түһүлгэҕэ биһиги улууспут чиэһин 7 кэрэчээн кыталык кыргыттарбыт: Ирина Руфова, Июлия Былкова, Владилана Кебель, Валерия Санникова, Евдокия Чыбыкова, Катрина Казакова уонна Саргы Кардашевская баран көмүскүөхтэрэ. Кинилэр сыаллара – IX Cпортивнай оонньууларга 12 путевка иһигэр киирии. Тренердэрэ Ольга Потапова: "Дьарык былырыыҥҥаттан күүскэ бара турар. Кыргыттар настройдара бойобуой, путевканы булгуччу ылар санаалаахпыт". Улуустааҕы спорт уонна физическай культура управлениетын салайааччыта Егор Николаев бэлиэтииринэн, урукку өттүгэр Үөһээ Бүлүү улууһа аэробика өттүгэр наһаа күүстээх буолбатах этэ. Ол эрэн быйылгаттан ыаллыы сытар улууспутугар баран ситиһиилээхтик күрэхтэһэр сыал-сорук күүскэ турбута. Онон Ньурба куоратыгар олорор биир дойдулаахтарбытын -- Үөһээ Бүлүүлэри уонна кыргыттарбыт туох баар аймахтарын, дьүөгэлэрин бука бары кэлэн Үөһээ Бүлүү улууһун хамаандатыгар ыалдьаргытыгар ыҥырабыт! Кыргыттар, биир ситим кэриэтэ бэйэ-бэйэҕитин өйөһүҥ, финальнай свистокка диэри хатыһыылаахтык киирсиҥ! Чаҕылхай, сөҕүмэр кыайыыны! #Спорт #Фитнесаэробика #IXчемпионат #Спортивныеигры