Бүгүҥҥү үөрүүлээх бырааһынньыкка социальнай эйгэ үлэһиттэрэ анаан-минээн кэлэн, «Аһаҕас... — 8 июля 2026 г. в 11:17:53.206
Бүгүҥҥү үөрүүлээх бырааһынньыкка социальнай эйгэ үлэһиттэрэ анаан-минээн кэлэн, «Аһаҕас аан күнүн» ыыттылар. Социальнай фонда клиеннары кытта үлэҕэ специалистара дьиэ кэргэҥҥэ судаарыстыба өйөбүлүн, социальнай харысхал управлениетын үлэһиттэрэ араас социальнай төлөбүрдэр тула сүбэни-аманы биэрдилэр. Кинилэри сэргэ логопед үлэлээтэ уонна наадыйар дьон психологическай көмөнөн туһанан, санааларын бөҕөргөттүлэр. Бу курдук киэҥ далааһыннаах программалаах бырааһынньык улуус олохтоохторугар уонна ыалдьыттарыгар умнуллубат үөрүүнү бэлэхтээтэ, кэлэр көлүөнэҕэ дьиэ кэргэн, таптал уонна бэриниилээх буолуу ытык суолтатын өссө күүскэ бигэргэттэ. Дьиэ кэргэн - уопсастыба төрүт тирэҕэ, дойдубут күүһэ уонна кэскили уһансар сүрүн хамсааһына буолар. Ыраас тапталы өрө тутар, дьоллоох олоҕу уһансар ытык-мааны ыалларбытынан Үөһээ Бүлүү киэн туттар, кинилэр уостубат тапталларынан, бигэ туруктарынан эдэр көлүөнэни иитэр. Галина Васильева #Көмүскэл #Демография #Уйулҕа #Деньлюбвииверности