Бүгүн, балаҕан ыйын 25 күнүгэр, Үөһээ Бүлүү улууһун үрдүнэн Нация кроһа сүүрүү тэрээһин...
Бүгүн, балаҕан ыйын 25 күнүгэр, Үөһээ Бүлүү улууһун үрдүнэн Нация кроһа сүүрүү тэрээһинэ ыытылынна. Бу күн нэһилиэктэринэн уонна улууспут киинигэр сүүрүнү сөбүлээччилэр кросска кыттан күөн күрэхтэстилэр. Үөһээ Бүлүүгэ киин оскуола оҕолоро, тэрилтэлэрэ, орто үөрэх кыһатын устудьуоннара, барыта 750-тан тахса киһи сүүрдэ. Ол иһигэр бастакы солбуйааччым Егор Дмитриевич Иванов күрэххэ кыттан 5-с киһиннэн фиништаата. Маны таһынан, кросс кэннэ эстафета күрэҕэ ыытылынна. Эстафета күрэҕин түмүгүнэн кыайыылаахтарынан буоллулар: 1 миэстэ - Үөһээ Бүлүүтээҕи 3-с №-дээх Ю. Н. Прокопьев аатынан спорт оскуолата 2 миэстэ - Үөһээ Бүлүүтээҕи 1-кы №-дээх И. Н. Барахов аатынан орто оскуола 3 миэстэ - Д.С. Спиридонов аатынан Үөһээ Бүлүү улууһун гимназията Кросс нации кыайыылаахтарын, бары кыттааччыларын эҕэрдэлиибин уонна чөл олоҕу тутуһан, чэгиэн-чэбдик буолуӈ диэн баҕа санаабын этэбин. #КроссНации #ҮөһээБүлүү