Улуус дьаһалтатыгар муниципальнай сулууспа бэтэрээннэрин чиэстээтилэр – көлүөнэлэр сити...
Улуус дьаһалтатыгар муниципальнай сулууспа бэтэрээннэрин чиэстээтилэр – көлүөнэлэр ситимнэрэ быстыспат! "Аҕам саастаах дьон" декадатын чэрчитинэн, Үөһээ Бүлүү улууһун муниципальнай оройуонун дьаһалтатыгар улуус сайдыытыгар араас кэмҥэ эҥкилэ суох, таһаарыылаахтык үлэлээн ааспыт, ону сэргэ билигин да бэриниилээхтик үлэлии сылдьар аҕам саастаах муниципальнай сулууспа бэтэрээннэрин чиэстээтилэр. Бу тэрээһин – көлүөнэлэр ыккардыларынааҕы ситими бөҕөргөтүүгэ, уопуту атастаһыыга уонна дириҥ махталбытын биллэриигэ анаммыт дьоһуннаах түгэн буолла. Мунньахха ытыктабыллаах бэтэрээннэри маанылаан ыҥыран, улуус дьаһалтатын баһылыгын бастакы солбуйааччыта Егор Иванов, социальнай хайысхаҕа баһылык солбуйааччыта Анна Уларова уонна билигин дьаһалтаҕа үлэлии сылдьар саҥа көлүөнэ муниципальнай сулууспалаахтар ис сүрэхтэн тахсар эҕэрдэ, махтал тылларын бастыҥын анаатылар. Улуус баһылыгын бастакы солбуйааччы Егор Иванов бэтэрээннэргэ махтал тылларын этэригэр, кинилэр улууспут сайдыытын туһугар өр кэмнээх сыралаах, бэриниилээх үлэлэригэр махтанна. Социальнай хайысхаҕа баһылык солбуйааччыта Анна Уларова кырдьаҕас сулууспалааччылар олоххо уонна үлэҕэ бэриниилээх буолуулара эдэр ыччакка саамай үрдүк холобур буоларын эттэ. Билигин дьаһалтаҕа үлэлии сылдьар саҥа көлүөнэ муниципальнай сулууспалаахтар аҕа көлүөнэ бэриниилээх үлэтин холобур оҥостон, кинилэр хаалларбыт үтүө үгэстэрин салгыы сайыннаран, улуус сайдыытын туһугар өссө күүскэ үлэлииллэрин этиннилэр. Аҕа көлүөнэ уонна эдэр сулууспалаахтар бииргэ олорон чэйдииллэр, кэпсэттилэр, санааларын атастастылар. Бу курдук тэрээһиннэр муниципальнай сулууспаҕа күүстээх, биир сомоҕо хамаанданы тэрийиигэ улахан суолталаахтар. Көлүөнэлэр ситимнэрэ быстыбат! #ВетераныМуниципальнайСлужбы #ВерхневилюйскийРайон max.ru/id1407005163_gos