#көмүскэл
#көмүскэл Социальнай Десант - Хоро нэһилиэгэр Алтынньы ыйын 7 күнүгэр социальнай десант Хоро нэһилиэгэр үлэлээтэ. Десант састаабыгар улуус баһылыгын социальнай хайысхаҕа уонна дьиэ кэргэн бэлиитикэтигэр солбуйааччыта Анна Михайловна Уларова, Социальнай харысхал киинин салайааччыта Зоя Валентиновна Егомина, Социальнай пуонда клиент сулууспатын салайааччыта Альбина Ивановна Николаева, сокуоннай саастарын ситэ туола илик оҕолор дьыалаларыгар уонна кинилэр бырааптарын көмүскүүр хамыыһыйа эппиэттээх сэкирэтээрэ Александра Семеновна Сидорова бааллар. Бу социальнай десант нэһилиэк олохтоохторо долгуйар, интэриэһиргиир боппуруостарыгар эппиэти буларыгар, көмө ыларыгар анаан үлэлиир. Анал байыаннай дьайыы кыттыылаахтарын дьиэ кэргэттэрин кыһалҕаларын истэн, тустаах кэпсэтии ыыттылар. Салҕыы үлэлэһэргэ былаан оҥоһуннулар. Ону таһынан, биэнсийэ уонна социальнай боппуруостарга олохтоохтор тустаах консультация ыллылар. Итиэннэ оскуола оҕолоругар сокуону кэhиини утарар сыаллаах кэпсэтии ыытылынна. Көрсүһүү бэрт сэргэхтик ааста диэн испэсэлиистэр сыаналаатылар. Дьон-сэргэ интэриэһиргээбит ыйытыыларын биэрэн, сөптөөх хоруйдары ыллылар. Туһалаах көрсүһүү буолла! @uoheebuluu