Кылааһынан – чөл турукка. — 5 мая 2026 г. в 00:56:13.108
Кылааһынан – чөл турукка. Өктөмнөөҕү А.С.Данилова аатынан «Барҕарыы» култуура киинэ оскуола оҕолоро чөл туруктаах, спортка сыстаҕас буолалларыгар анаан элбэх кылаас чаастарын, күрэхтэһиилэри тиһиктээхтик ыытар. Ол курдук, М.Е. Николаев аатынан үөрэх-билим киинин уонна П.И.Шадрин аатынан Өктөм орто оскуолатын 7 кылааһын үөрэнээччилэригэр “Чөл турук – олох төрдө” диэн кылаас чаастарын ыыппыппыт. Онтон муус устар 30 күнүгэр икки оскуола 7-с кылаастарын оҕолоругар скакалкаҕа күрэх тэрийдибит. Оҕолор бары ох курдук оҥостон, киирсэргэ бэлэм кэлбиттэр. Кэлбит оҕо бары скакалка ыстаныытыгар холонон көрдүлэр. Күрэх түмүгүнэн бастакы миэстэни Слепцов Денис 95-тэ ыстанан эрэллээхтик ылла. Иккис 81-дэ ыстанан Габышева Дияна, үһүс миэстэни 77-тэ ыстанан Андреева Сахая, төрдүс миэстэни дьө-та ыстанан Кардашевская Леанна ыллылар. Кыайбыт оҕолор Федора уонна Юрий Фоминнар дьиэ кэргэн аатыттан харчынан бириэмийэ тутан үөрүүлэрэ үрдээтэ. Оҕолору чөл турукка киллэрэр баҕалаах кылаас салайааччыларыгар Иванна Ивановна Слепцоваҕа уонна Любовь Николаевна Габышеваҕа улахан махталбытын биллэрэбит, өссө да салгыы бииргэ үлэлэһиэхпит диэн эрэллээхпит. Федора Фомина