МУ "Управление культуры" Арского муниципального района РТ
Образование · 18 августа 2026 г.
Бүген хөрмәтле якташыбыз, милләтебезнең Халык шагыйре Наил Васыйл улы Касыймовның туган... — 18 августа 2026 г. в 08:20:44.084
Бүген хөрмәтле якташыбыз, милләтебезнең Халык шагыйре Наил Васыйл улы Касыймовның туган көне. Ул татар поэзиясендә җырчы шагыйрь буларак таныла. Наил Касыймның җырлары татар халкының яраткан җырлары җыентыкларында һәм башка китапларда урын алып килә. 1993 елда “Су буенда учак яна”, 1996 елда “Күңелем каршыңда тезләнде...” дип аталган җыр китаплары, ә 2013 елда “Күңелем кояшы”, 2020 елда “Тыңлар идем тавышыңны..” исемле шигырь җыентыклары дөнья күрә. Аның шигырьләренә язылган җырлар күренекле сәхнә йолдызлары башкаруында төрле конкурсларда һәм бәйгеләрдә югары бәяләнә, халкыбыз тарафыннан яратып кабул ителә. Наил Касыйм 1993 елдан Татарстан Язучылар берлеге әгъзасы. 2014 елда татар әдәбиятын һәм сәнгатен үстерүгә зур өлеш керткәне, милләтебезне дөньякүләм танытуда күпъеллык иҗади эшчәнлеге өчен Наил Касыймга Татарстан Республикасының атказанган сәнгать эшлеклесе дигән мактаулы исем, 2017 елда Язучылар берлегенең Һади Такташ исемендәге премиясенә, ә 2023 елда абруйлы исемгә - Татарстан Республикасының Халык шагыйре исеменә лаек була. 2025 елда Арча районының Мактаулы гражданины дигән мәртәбәле исем бирелә. Бүгенге көндә Наил Касыйм Казан шәһәрендә яши, актив иҗат итүен дәвам итә. Хөрмәтле якташыбыз, Сезне юбилеегыз белән ихластан котлыйбыз! Саулык-сәламәтлек, бәрәкәтле, имин вә озын гомер, иҗади уңышлар телибез Сезгә! #АрскКультура #ӘдәбиятҺәмСәнгатьМузее #КазанАртыМузее