Мөслим районыннан 15 егет һәм кыз Минзәлә районындагы «Патриот» дип аталган палаткалы х... — 18 июня 2026 г. в 07:07:03.275
Мөслим районыннан 15 егет һәм кыз Минзәлә районындагы «Патриот» дип аталган палаткалы хәрби-патриотик лагерьда ял итә. Аларны җиде көнлек маҗаралы ял, яңа дуслар һәм кызыклы сынаулар көтә. Табигать кочагында палаткаларда яшәү, иртәнге саф һавада зарядка, спорт ярышлары, тактик уеннар, тарихи дәресләр, иҗади остаханәләр һәм кич белән учак янында җырлар – боларның барысы да балаларга көч, тәҗрибә һәм матур хатирәләр бүләк итәчәк. Мондый лагерьлар - ял итү урыны гына түгел, ә командада эшләргә, җаваплылыкка һәм туган илне хөрмәт итәргә өйрәтә торган мәктәп тә. Балаларга күңелле сәяхәт, имин көннәр һәм күтәренке кәеф телибез! Алар Мөслимгә яңача тәэсирләр, яңа белемнәр һәм матур истәлекләр белән әйләнеп кайтсын! Фото - мәктәптән тыш эшләр үзәге һәм "Патриот" лагере архивыннан. #Мөслим_мәгарифе