Июльдә кура җиләге мул уңышы белән сөендерә. Әмма нәкъ менә бу чорда аңа аеруча игътиба... — 1 июля 2026 г. в 10:18:02.330
Июльдә кура җиләге мул уңышы белән сөендерә. Әмма нәкъ менә бу чорда аңа аеруча игътибар кирәк. Дөрес тәрбия күрсәтү быелгы уңышның сыйфатына гына түгел, киләсе ел уңышына да йогынты ясый. Даими су сибегез. Эссе көннәрдә курай җиләгенә мул итеп су сибәргә кирәк. Туфрак 30–40 см тирәнлеккә кадәр дымланырга тиеш. Җиләкләр өлгергән чорда туфракның кибүенә юл куймагыз. Өлгергән җиләкләрне вакытында җыегыз. Аларны 2-3 көнгә бер тапкыр җыеп тору яхшырак. Шулай иткәндә җиләкләр коелмый, ә куак җимеш бирүен дәвам итә. Чүп үләннәрен утагыз, туфракны йомшартыгыз. Моны сак кына эшләгез, чөнки кура җиләгенең тамырлары җир өстенә якын урнашкан. Туфракны чабылган үлән, салам яки черемә белән мүлчәләү дымны озаграк сакларга ярдәм итә. Җимеш биреп бетергән сабакларны кисегез. Әгәр иртә сортлар уңышын биреп бетергән икән, ике еллык сабакларны җир төбеннән үк кисеп алыгыз. Бу яшь үсентеләргә иркенрәк үсәргә мөмкинлек бирә. Үсемлекләрнең торышын күзәтеп торыгыз. Яфракларны һәм җиләкләрне даими карап чыгыгыз. Авырулар яки корткычларның беренче билгеләре күренсә, җиләк җыю чорында кулланырга яраклы зыянсыз чаралар кулланыгыз. Июльдә күрсәтелгән бераз гына игътибар да кура җиләгенең мул һәм тәмле уңышы белән сөендерәчәк. Ә сезнең бакчада кура җиләге өлгердеме инде? Комментарийларда нинди сорт үстерүегезне һәм быелгы уңышыгыз турында языгыз! Алсу Хисаметдинова фотосы.