"Дьөһөгөй оҕото" түмэл нэдиэлэтээҕи сонуна
"Дьөһөгөй оҕото" түмэл нэдиэлэтээҕи сонуна 1. "Сарыал" оҕо саадын иитиллээччилэрэ түмэлгэ, биэс ынахтаах Бэйбэрикээн эмээхсиҥҥэ ыалдьыттаан, остуоруйа истэн бардылар. 2. Аҕам саастаахтар нэдиэлэлэрин чэрчитинэн, Мэҥэдьэк нэһилиэгэр тутулла турар объектарынан экскурсия ыытылынна. Хатыы оскуолата хотон тута сылдьарын көрдүбүт, директор Тимофеев В.Г. 40-тан тахса төбө кыстыахтааҕын, салгыы туох үлэ барарын, инники былаанын иһиттибит. Эдэр ыаллар Аммосовтар уонна Даниловтар аныгылыы быһыылаах дьиэ тутта сылдьалларын көрөн сэргээтибит, үөрдүбүт. 3. "Айылгы" уонна туосчуттар түмсүүлэрэ мустан, ситии хаттыбыт. Кэлэр нэдиэлэҕэ ситиибитигэр ыаҕайка, томторук оҥорон иилиэхпит диэн сүбэлэстибит. 4. Мэҥэдьэк аҕам саастаахтара түмсэн 50 сыл бииргэ олорбут Ольга Ефимовна, Михаил Никифорович Макаровтары уонна Анастасия Семеновна, Николай Степанович Петровтары эҕэрдэлээтибит.