Бүген музеебыз тагын да шау-шулырак һәм нурлырак булды, чөнки безгә Сеҗе авыл мәчете ка... — 7 июля 2026 г. в 19:00:22.875
Бүген музеебыз тагын да шау-шулырак һәм нурлырак булды, чөнки безгә Сеҗе авыл мәчете каршындагы җәйге лагерьда ял итүче балалар килде. Кечкенә кунакларыбыз зур кызыксыну белән борынгы экспонатларны карадылар, тарихи вакыйгалар турында күпләп сораулар бирделәр. Аларга Г. Камалның тормыш юлы, иҗаты, халкыбызның гореф-гадәтләре, бабаларыбыз көнкүреше һәм дини-мәдәни мирасыбыз турында мәгълүматлар җиткерелде. Балалар үткән заманнар дөньясына чумып, милли рухыбызның тамырлары белән якыннан танышты. Мәчет каршындагы мондый лагерьлар балаларны дөрес тәрбияләүдә, үз халкының тарихын, телен һәм динен өйрәнүдә зур роль уйный. Музей белән мәчетнең мондый хезмәттәшлеге – рухи байлыкны саклау һәм киләчәк буынга җиткерүнең иң матур үрнәге булып тора. #АрскКультура #ГалиәсгарКамалМузее #КазанАртыМузее #Музей #Сикертән #ГалиәсгарКамал #Экскурсия #Экскурсовод #ЭкскурсоводларМәктәбе #ШколаЭкскурсоводов #МузейГалиаскараКамала