✨ Август 4-те Тываның Чогаалчылар эвилелиниң, Тываның болгаш Россияның журналистер эвил... — 4 августа 2026 г. в 04:48:45.840
✨ Август 4-те Тываның Чогаалчылар эвилелиниң, Тываның болгаш Россияның журналистер эвилелиниң кежигүнү, Тыва Республиканың культуразының алдарлыг ажылдакчызы, кайгамчыктыг салым-чаяанныг, уругларга таарыштыр уран-чечен бижиир чогаалчы Александр Сан-оолович Шоюн 70 харлап турар! Ол Тываның хөгжум-шии театрынга артист болуп, «Тываның аныяктары» солунга корреспондентилеп, редакторнуң оралакчызы болуп, Тыва АССР-ниң сайыттар Чөвүлелиниң даргазының дузалакчызынга, СЭКП кызыл хооркомунуң инструкторунга ажылдаан. «Сылдысчыгаш» солунуң болгаш «Алдын-Кушкаш» сеткүүлдүң редактору. ⚡ Чогаалчының төрүттүнген хүнүнге уткуштур А. С. Пушкин аттыг национал ном саңынга чурт-шинчилел чогаалы болгаш национал библиография килдизиниң ажылдакчылары «Чаштар делегейи – мээң ораным» деп ном делгелгезин делгеп салганнар. Делгелгеде чогаалчының уругларга бижитинген чечен чугаалары, шүлүктери деглеттинген «Балыктар аштай бээр» («Рыбы проголодаются», 1987), «Хаак аъттар мунган оолдар» («Скачки тальниковых коней», 2017), «Чылдың үелери» («Времена года», 2003), «Начын биле шляпа» («Начын и шляпа», 2020), дээш оон даа өске номнарны дерип салган. 💫 Ол ышкаш уругларның Сылдысчыгаш солуннуң төөгүзүнүң дугайында чогаалчы боду «Сылдысчыгаш»-биле 25 чыл деп эгени «Кижилер болгаш болуушкуннар» деп А. С. Пушкин аттыг национал ном саңының 2015 ч. үндүрген хронограф-календарында бижээн. ❤ Чогаалчывыска байырывыс чедирбишаан, Тывада билдингир артист, чогаалчы, журналист А. С. Шоюннуң бижээн номнарын, допчу-намдарын бистиң килдиске кээп сонуургап болурун номчукчуларга дыңнаттывыс. Бистиң МАХ-та арынывыс: max.ru/id17010221... #НационалНомСаңы #Делгелге #АлександрШоюн70харлаан #УругларЧогаалчызы