рының номнары: 1941–1945 чылдар, Тывага парлаттынган» (2025) деп каталогту база Ада-чур...
рының номнары: 1941–1945 чылдар, Тывага парлаттынган» (2025) деп каталогту база Ада-чурттуң Улуг дайынының үезинде Тываның ном үндүрер черинден ном үндүрүлгезиниң даңзызын бир дугаар тургускан библиографтыг айтыкчының кол тургузукчуларыныӊ бирээзи. Ук килдисте, кадагалаттынган номнарның аразында, Тыва Арат Республика үезинде парлаттынып турган номнар, сеткүүлдерден: 1927 ч. Москва хоорайга парлаттынган, бир дугаар тыва дылда, «Тыва уругларның эң ӧрэныр тептэри баштап ужукэ» (Букварь –Ужуглел) деп ном, 1937–1939 чылдарда Кызылга латин бижик-биле парлаттынган «Сььndь cogaaldar»(«Чыынды чогаалдар»), тыва чогаалчыларның баштайгы сеткүүлү «Revolustun xereli» («Революстуң херели» (1941), 1946 ч. Кызылга парлаан М. Идам-Сюрюңнүң «Төрээн чуртка» деп шүлүктер чыындызы, оон аңгыда, 1947 ч. Н. Рушевтиң чурук каасталгалыг үнген «Тыва улустуң тоолдары» дээн ышкаш ховар номнар барын чоргаарал-биле адап болур. Айлаңмаа Кызыл-ооловнаның ном саңының ажылынга ак сеткилдии-биле бердинип, хөй-хөй чылдарда чүткүлдүг, үре-түңнелдиг ажылдап чорууру дээш, Тыва «Республиканың культуразының алдарлыг ажылдакчызы» (2006) деп атты тывыскан. Ол ышкаш «Уран чүүлдүң тергиини» (2003), «Культураның болгаш уран чүүлдүң Хүндүлүг хоочуну» деп хөрек демдектериниң эдилекчизи. Хүндүлүг Айлаңмаа Кызыл-ооловна! Төөгүнүң «алдын курлавырларын» камгалап, кадагалаан килдизиңерниң ажылы ам-даа чедиишкиннерлиг болурун хөй санныг номчукчулар мурнундан күзевишаан, төрүттүнген хүнүңер таварыштыр быжыг кадыкшылды, өөрүшкү-маңнайны, бедик тура-сорукту сеткиливис ханызындан йөрээдивис!