Образование · 8 июля 2026 г.

От ыйын 6 күнүгэр кинигэни сэргиир, ааҕар дьоҥҥо уонна биир дойдулаахтарбытыгар дьоро к... — 8 июля 2026 г. в 05:58:29.228

От ыйын 6 күнүгэр кинигэни сэргиир, ааҕар дьоҥҥо уонна биир дойдулаахтарбытыгар дьоро күн буолан ааста. СӨ культуратын үтүөлээх үлэһитэ, СӨ культуратын туйгуна, «гражданскай килбиэн» бэлиэлээх биир дойдулаахпыт, 47 сыл эҥкилэ суох, талан ылбыт бибилэтиэкэр идэтигэр бэриниилээхтик үлэлээбит, Тулагыга олорор биир дойдулаахпыт Елена Михайловна Готовцева «Дьүөгэлии ийэлэр быстыбат ситимнэрэ» диэн кинигэтин биһирэмин Кыыллаахтааҕы филиал - библиотека тэрийэн ыытта. Кинигэҕэ ырыаҕа ылламмыт, хоһооҥҥо хоһуллубут дьоһун мааны дьоннордоох, кыраһыабай кыргыттардаах Кыыллаах арыыга 20-с үйэҕэ олорон аас - туор олоҕу билбит, үлэ ыараханын чэрдээх илиилэринэн үлэлээн, дьарамай санныларыгар сүгэн, олох араас тургутуутуттан самнан хаалбакка оҕо саастарыттан доҕордоһон кэлбит дьүөгэлии 15 ийэлэрин туһунан 29 төрөппүт уонна ииппит оҕолорун ахтыыта киирдэ https://nlrs.ru/news/16846