30 апрель көнне Түбән Чыршылы авылында гыйлем юлында хезмәт куючы ханымнар форумга җыел... — 1 мая 2026 г. в 11:55:09.780
30 апрель көнне Түбән Чыршылы авылында гыйлем юлында хезмәт куючы ханымнар форумга җыелды. Биредә Лениногорск районы мөхтәсибәтенә караган авыллардан апалар һәм абыйлар җыелган. Биредә һәрбер авыл үз эш тәҗрибәсе белән бүлеште. Чүти авылыннан килгән апа Р.Фәхрединнең "Мәшһүр хатыннар" китабына тукталып Әлмәт ягы, Лениногорск ягы әбиләрнең гыйбрәтле язмышы белән бүлеште. Урдалы авылында бик матур итеп балалар тәрбиясенә игьтибар итеп, лагерьлар оештыру турында үз тәҗрибәсен җиткерде. Чыршылы авылында озак еллар мәктәп җитәкләгән Розалия Солтанова бик матәр итеп чыгыш ясады. Шөгердән килгән апалар "Балкыш" тапшыруын тәкьдим иттеләр. Согьдә Таһировна, Халисә ханым бик үтемле итеп нәсыйхәтләр сөйләделәр. Р.Фәхреддин музее директоры Гимранова Д.Г. бала тәрбияләү эшен үзеңнән башлап, яшьләргә үрнәк күрсәтеп яшәү кирәклегенә басым ясап бик тәрбияви чыгыш ясады. Апалар килеп-китеп рәхмәт әйттеләр, кочаклап ихлас рәхмәтләрен белдерделәр. Бәйрәмнең бик матур бизәге булып ир-атлар да килгән иделәр. Лениногорск шәһәреннән килгән имам Булат хәзрәт вәгазьләрен җиткерде. Чыршылыда укып белем алган Айдар хаҗи халыкка рәхмәтләрен белдерде. Мөслимәләр өчен оештырылган гыйльми семинар конференция кебек гыльми чарага әверелде. Оештыручыларга, ихлас күңелдән катнашырга килгән ирләргә, апаларга - Түбән Чыршылы, Зәй-Каратай, Урдалы, Чүти, Шөгер, Тимәш, Лениногорск кешеләренә зур рәхмәтләребезне җиткерәбез. Очрашуларның нәтиҗәләрен күрергә насыйп булсын.